തിരുവനന്തപുരം: സംസ്ഥാനത്ത് ഞായറാഴ്ച വരെ കനത്ത മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം. കനത്ത മഴയ്ക്കൊപ്പം ഉരുള്പ്പൊട്ടലിനും വെള്ളപ്പൊക്കത്തിനും സാധ്യതയുള്ളതിനാല് സുരക്ഷാ മുന്കതുതലുകള് എടുക്കണം എന്ന് ദുരന്തനിവാരണ അതോറിറ്റി അറിയിച്ചു.
ഈ ദിവസങ്ങളില് 12 മുതല് 20 സെന്റീമീറ്റര് വരെ മഴ ലഭിക്കുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ വിലയിരുത്തല്. കടലില് മണിക്കൂറില് 55 കിലോമീറ്റര് വേഗതയില് കാറ്റ് വീശും എന്നതിനാല് മത്സ്യത്തൊഴിലാളികള് ജാഗ്രത പാലിക്കണമെന്നും മുന്നറിയിപ്പുണ്ട്.
വെള്ളപ്പൊക്ക സാധ്യതയുള്ള താലൂക്കുകളില് ദുരിതാശ്വാസ ക്യാമ്പുകള് തുറക്കാനുള്ള നടപടികള് സ്വീകരിക്കാനും, മലയോര മേഖലയിലെ താലൂക്ക് കണ്ട്രോള് റൂമുകള് ജൂണ് 11 വരെ 24 മണിക്കൂറും പ്രവര്ത്തിക്കണമെന്നും നിര്ദേശം നല്കിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ