പറവൂര്‍: പറവൂര്‍ മേഖലയില്‍ പതിനഞ്ചു പേരെ ഓടിച്ചിട്ടു കടിച്ച തെരുവുനായയ്ക്കു പേ വിഷബാധ ഉള്ളതായി സൂചന. നാട്ടുകാര്‍ തല്ലിക്കൊന്ന നായയെ പോസ്റ്റുമോര്‍ട്ടം ചെയ്തപ്പോഴാണു ഇക്കാര്യത്തില്‍ സൂചന ലഭിച്ചത്. അന്തിമ പോസ്റ്റ്‌മോര്‍ട്ടം റിപ്പോര്‍ട്ട് ഇന്നു ലഭിക്കും.
മനക്കോടം, കൂട്ടുകാട്, ഭരണിമുക്ക്, ചാലിപ്പാലം ഭാഗങ്ങളിലാണ് നായ ഓടിച്ചിട്ടു നാട്ടുകാരെ കഴിച്ചത്. പേ വിഷബാധയുണ്ടെന്ന വാര്‍ത്ത പരന്നതോടെ നാട്ടുകാര്‍ പരിഭ്രാന്തിയിലായി. നായുടെ ആക്രമണത്തിന് ഇരയായവര്‍ ചികിത്സ തേടിയിട്ടുണ്ട്.
ഒരിടവേളയ്ക്കുശേഷം ഉണ്ടായ തെരുവുനായ് ആക്രമണം നാടിനെയാകെ പരിഭ്രാന്തിയിലാക്കിയിരിക്കുകയാണ്. ഭയന്നാണു നാട്ടുകാര്‍ പുറത്തിറങ്ങുന്നത്. പറവൂര്‍ മേഖലയില്‍ ഒട്ടേറെപ്പേര്‍ക്കു നായയുടെ ആക്രമണത്തില്‍ മുന്‍പു പരുക്കേറ്റിട്ടുണ്ട്. കുറച്ചുകാലമായി ഇത്തരം സംഭവങ്ങള്‍ കുറവായിരുന്നു. കഴിഞ്ഞ ദിവസത്തെ സംഭവം നാട്ടില്‍ വീണ്ടും ഭീതിയുണര്‍ത്തുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
