പള്ളൂരുത്തി; തിരക്കുള്ള ബസില്‍ മോഷണം പതിവാകുന്നു. കഴിഞ്ഞ ദിവസം കൊച്ചി നഗരത്തിലെ സ്വകാര്യ ബസില്‍ യാത്ര ചെയ്ത വീട്ടമ്മയ്ക്ക് ആറര പവന്റെ മാലയാണ് മോഷണം പോയത്. കുമ്പളങ്ങി വാട്ടര്‍ ടാങ്കിന് സമീപം കൊമരോത്ത് ജോസഫിന്റെ ഭാര്യ ഫിലോമിനയുടെ മാലയാണ് നഷ്ടമായത്.
കുമ്പളങ്ങി- എറണാകുളം റൂട്ടില്‍ ഓടുന്ന ജിപ്‌സി ബസിലാണ് മോഷണം നടന്നത്. തിരക്കിനിടയിലാണ് മാല മോഷണം പോയത്. നല്ല തിരക്കുണ്ടായിരുന്ന ബസില്‍ മുന്‍നിരയിലെ സീറ്റിലാണ് ഫിലോമിന ഇരുന്നത്. തൊട്ടടുത്ത് നിന്നിരുന്ന യുവതി പലവട്ടം തന്റെ മുഖത്തേക്ക് ഷോള്‍ ഇട്ടതായി ഫിലോമിന പറഞ്ഞു. പള്ളൂരുത്തിയിലെ ബന്ധുവിന്റെ മരണാനന്തര ചടങ്ങില്‍ പങ്കെടുക്കാന്‍ പോവുകയായിരുന്നു ഇവര്‍. സംഭവത്തില്‍ പള്ളൂരുത്തി പൊലീസില്‍ പരാതി നല്‍കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
