താരസംഘടനയായ അമ്മയിലേക്ക് ദിലീപിനെ തിരിച്ചെടുത്ത തീരുമാനത്തിനെതിരേ ഉയരുന്ന പ്രതിഷേധത്തിന് അഭിനന്ദനം അറിയിച്ച് കവി കെ.ജി. ശങ്കരപ്പിള്ള. നീതിബോധം അഭിനയത്തില് മാത്രം പോരെന്നും ജീവിതത്തിലും വേണമെന്നും അദ്ദേഹം വ്യക്തമാക്കി. പ്രതിഷേധം ജീവിതത്തിന്റെ അര്ത്ഥവും സൗന്ദര്യവുമായെന്നും അദ്ദേഹം കൂട്ടിച്ചേര്ത്തു.
ദിലീപിനോട് അമ്മ കാണിച്ചത് നീതിവിരുദ്ധ പക്ഷപാതവും മലിനതാല്പ്പര്യവുമാണ്. അതിനെതിേേരാ പ്രതിഷേധിക്കുന്നത് നിശിതമായ നീതിബോധവും. ആ പ്രതിഷേധത്തിന് എന്റെ അഭിവാദ്യങ്ങളും നേരുന്നതായി ശങ്കരപ്പിള്ള പറഞ്ഞു.
നടിയെ ആക്രമിച്ച കേസില് അറസ്റ്റിലായതോടെയാണ് ദിലീപിനെ താരസംഘടനയില് നിന്ന് പുറത്താക്കുന്നത്. എന്നാല് കേസില് നിന്ന് കുറ്റവിമുക്തമാക്കുന്നതിന് മുന്പ് തന്നെ ദിലീപിനെ അമ്മയിലേക്ക് തിരികെ എടുത്തതാണ് പ്രശ്നങ്ങള്ക്ക് വഴിവെച്ചത്. ഇതില് പ്രതിഷേധിച്ച് അക്രമിക്കപ്പെട്ട നടിയും റീമ കല്ലിങ്കലും രമ്യാ നമ്പീശനും ഗീതു മോഹന്ദാസും രാജിവെച്ചു. പൃത്ഥിരാജ് ഉള്പ്പടെയിള്ള സിനിമരംഗത്തുള്ളവരും രാജിവെച്ചതിനെ പിന്തുണച്ച് രംഗത്തെത്തിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ