മരട്; മഴയില്‍ പഴക്കമേറിയ മതില്‍ തകര്‍ന്നു വീണു. മരടിലെ തോമസ്പുരം ജൂബിലി ലെയ്‌നിലാണ് സംഭവം. സ്‌കൂള്‍ കുട്ടികള്‍ കടന്നു പോയി തോട്ടുപിന്നാലെയാണ് മതില്‍ തകര്‍ന്നത്. അതിനാല്‍ വലിയ അപകടം ഒഴിവായതിന്റെ ആശ്വാസത്തിലാണ് നാട്ടുകാര്‍.
തൈക്കൂട്ടത്ത് മാര്‍ട്ടിന്റെ ചുറ്റുമതിലാണ് കഴിഞ്ഞ ദിവസമുണ്ടായ മഴയില്‍ നിലംപൊത്തിയത്. പത്ത് മീറ്ററോളം നീളത്തിലാണ് മതില്‍ തകര്‍ന്നത്. വര്‍ഷങ്ങള്‍ പഴക്കമുള്ള ചെങ്കല്ലില്‍ നിര്‍മിച്ച മതിലാണ് തകര്‍ന്നത്. ഈ സമയത്ത് റോഡില്‍ ആരും ഇല്ലായിരുന്നതിനാല്‍ ആര്‍ക്കും അപകടമുണ്ടായില്ല. കാലപ്പഴക്കമാണ് അപകടത്തിന് കാരണമായത്. സ്‌കൂള്‍ വിട്ട സമയത്തായിരുന്നു അപകടമുണ്ടായത് എന്നതും നാട്ടുകാരെ ഞെട്ടിച്ചു. മതില്‍ തകര്‍ന്നു റോഡില്‍ വീണതോടെ ഇതുവഴിയുള്ള ഗതാഗതം തടസ്സപ്പെട്ടു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
