തിരുവനന്തപുരം: ആറ്റുകാല്‍ ക്ഷേത്രത്തിലെ കുത്തിയോട്ടത്തിന് മേല്‍ ഇപ്പോള്‍ ചാടി വീഴേണ്ടെന്ന് ദേവസ്വം മന്ത്രി കടകംപള്ളി സുരേന്ദ്രന്‍. കുത്തിയോട്ടത്തില്‍ നടക്കുന്നത് കടുത്ത ബാലാവകാശ ലംഘനമാണെന്ന ജയില്‍ മേധാവി ആര്‍. ശ്രീലേഖ ഐപിഎസിന്റെ ബ്ലോഗിനെ തുടര്‍ന്ന് ബാലാവകാശ കമ്മീഷന്‍ കേസെടുത്ത പശ്ചാതലത്തിലാണ് മന്ത്രി നിലപാട് വ്യക്തമാക്കിയിരിക്കുന്നത്.
കഴിഞ്ഞ വര്‍ഷത്തെക്കാള്‍ കൂടുതല്‍ കുട്ടികളെ ഉള്‍പ്പെടുത്തി ഭംഗിയില്‍ തന്നെ കുത്തിയോട്ടം നടത്തും. ബാലാവകാശ ലംഘനമുണ്ടോയെന്ന് പിന്നീട് പരിശോധിക്കാമെന്നും മന്ത്രി പറഞ്ഞു.
കേരളത്തില്‍ മുമ്പും പല ആചാരങ്ങളും നിര്‍ത്തലാക്കിയിട്ടുണ്ടെന്നും കുത്തിയോട്ടവുമായി ബന്ധപ്പെട്ട് ബാലപീഡനങ്ങള്‍ നടക്കുന്നുണ്ടോയെന്ന് പിന്നീട് പരിശോധിക്കാമെന്നും മന്ത്രി കൂട്ടിച്ചേര്‍ത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
