വൈദികന്റെ കൊലപാതകം: പ്രതി മുന്‍ കപ്യാര്‍ പിടിയില്‍

മലയാറ്റൂരില്‍ വൈദികന്‍കൊല്ലപ്പെട്ട സംഭവത്തില്‍ പ്രതി പിടിയില്‍. പള്ളിയിലെ മുന്‍ കപ്യാര്‍ ജോണിയാണ് പിടിയിലായത്
വൈദികന്റെ കൊലപാതകം: പ്രതി മുന്‍ കപ്യാര്‍ പിടിയില്‍

കൊച്ചി: മലയാറ്റൂരില്‍ വൈദികന്‍കൊല്ലപ്പെട്ട സംഭവത്തില്‍ പ്രതി പിടിയില്‍. പള്ളിയിലെ മുന്‍ കപ്യാര്‍ ജോണിയാണ് പിടിയിലായത്. കൊച്ചി ചേരാനെല്ലൂര്‍ സ്വദേശിയായ ഫാദര്‍ സേവ്യര്‍ തേലക്കാടിനെയാണ് (52) ജോണി കുത്തി കൊലപ്പെടുത്തിയത്. സംഭത്തിന് ശേഷം ഇയാള്‍ രക്ഷപ്പെടുകയായിരുന്നു.

വ്യാഴാഴ്ച ഉച്ചയ്ക്ക് 12 മണിയോടയായിരുന്നു സംഭവം. കുരിശുമലയിലേക്കുള്ള യാത്രയ്ക്കിടെ ആറാം സ്ഥലത്ത് വച്ചാണ് ജോണി, സേവ്യറെ കുത്തിയത്. വയറ്റിലും ഇടതു തുടയിലുമാണ് സേവ്യറിന് കുത്തേറ്റത്. ഉടനെ തന്നെ അങ്കമാലിയിലെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു.

ജോണിക്ക് വികാരിയോടുള്ള മുന്‍ വൈരാഗ്യമാണ് കൊലപാതകത്തിന് കാരണമെന്നാണ് പൊലീസിന്റെ നിഗമനം.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com