മലയാറ്റൂര്‍: കൊല്ലപ്പെട്ട ഫാ. സേവ്യര്‍ തേലക്കാട്ടിന്റെ മരണത്തിന് കാരണക്കാരനായ മുന്‍ കപ്യാര്‍ ജോണിക്ക് സഭയും വിശ്വാസികളും പ്രാര്‍ത്ഥനാ മനോഭാവത്തോടെ മാപ്പ് നല്‍കുന്നുവെന്ന് സിറോ മലബാര്‍ സഭ മേജര്‍ ആര്‍ച്ച് ബിഷപ്പ് കര്‍ദിനാള്‍ മാര്‍ ജോര്‍ജ് ആലഞ്ചേരി.
ജോണിയോട് ക്ഷമിക്കാനുള്ള ആത്മശക്തി ഫാ. സേവ്യറിന്റെ കുടുംബാംഗങ്ങള്‍ക്കും മറ്റെല്ലാവര്‍ക്കും ലഭിക്കാന്‍ നാം കൂട്ടായി പ്രാര്‍ത്ഥിക്കണം. അദ്ദേഹത്തോട് ക്ഷമിക്കുന്നതിലൂടെയും കാരുണ്യത്തിന്റെ സമീപനം സ്വീകരിക്കുന്നതിലൂടെയും നമ്മിലെ ക്രിസ്തീയതക്കാണ് നാം സാക്ഷ്യം വഹിക്കുന്നത്.
ജോണിയുടെ കുടുംബം പ്രത്യാശേേയാടെ ജീവിക്കാന്‍ അവര്‍ക്കായും നാം പ്രാര്‍ത്ഥിക്കണം. നിരാശനെങ്കിലും സംഭവത്തില്‍ ജോണി പശ്ചാതപിക്കുന്നുണ്ടെന്നാണ് മാധ്യമറിപ്പോര്‍ട്ടുകള്‍. അദ്ദേഹത്തിന്റെ പശ്ചാതാപം ആത്മാര്‍ത്ഥതയുള്ളതാകട്ടേയെന്നും അതുവഴി രക്ഷകനില്‍ അഭയം തേടാനുള്ള ശക്തി അദ്ദേഹത്തിന് ലഭിക്കട്ടേയെന്നും നമ്മള്‍ പ്രാര്‍ത്ഥിക്കണം, ആലഞ്ചേരി കൂട്ടിച്ചേര്‍ത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
