തിരുവനന്തപുരം: കീഴാറ്റൂരില്‍ സമരപ്പന്തല്‍ കത്തിച്ച സിപിഎം പ്രവര്‍ത്തകര്‍ക്കെതിരെ ചുമത്തിയത് നിസ്സാരകുറ്റമെന്ന്‌ പ്രതിപക്ഷ നേതാവ് രമേശ് ചെന്നിത്തല. സമരം അടിച്ചമര്‍ത്താനുളള നീക്കം അപലപനീയമെന്നും ചെന്നിത്തല പറഞ്ഞു.
അതേസമയം സമരപ്പന്തല്‍ വീണ്ടും കെട്ടി ശക്തമായിത്തന്നെ സമരം നുന്നോട്ടുകൊണ്ടുപോകാനാണ് സമരക്കാരുടെ തീരുമാനം.
സമരാനുഭാവികളുടെ സാന്നിധ്യത്തില്‍ മാര്‍ച്ച് 25ന് വൈകുന്നേരമാണ് സമരപ്പന്തല്‍ പുനഃസ്ഥാപിക്കുക. ഒപ്പം വയലില്‍ മണ്ണിടുന്നതിനെതിരേ നിയമപോരാട്ടവും നടത്തുമെന്നും വയല്‍ക്കിളികള്‍ പറഞ്ഞു. ദേശീയപാത ബൈപ്പാസിന് സ്ഥലം തിട്ടപ്പെടുത്താനുള്ള സര്‍വേയും കല്ലിടലും തടഞ്ഞ് അറസ്റ്റിലായ വയല്‍ക്കിളികളുടെ സമരപ്പന്തലിന് ബുധനാഴ്ച സിപിഎം പ്രവര്‍ത്തകര്‍ തീയിട്ടിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
