തിരുവനന്തപുരം: സംസ്ഥാന ഹയര്‍സെക്കന്ററി പരീക്ഷയുടെ രണ്ടാം വര്‍ഷ ഫിസിക്സ് ചോദ്യപേപ്പര്‍ ചോര്‍ന്നത് സ്ഥിരീകരിക്കാതെ വിദ്യാഭ്യാസ മന്ത്രി സി.രവീന്ദ്രനാഥ്. ചോദ്യപേപ്പറിലെ ചില സമാനചോദ്യങ്ങള്‍ വാട്‌സആപ്പില്‍ പ്രചരിച്ചിട്ടുണ്ടെന്നും ഈ വിഷയത്തില്‍ അന്വേഷണം നടക്കുകയാണെന്നും മന്ത്രി പ്രതികരിച്ചു.
ഹയർസെക്കൻഡറി പരീക്ഷയുടെ ചോദ്യപേപ്പർ ചോർന്നെന്ന പരാതിയിൽ സൈബർ ക്രൈം പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. 21നു നടത്തിയ ഫിസിക്സ് പരീക്ഷ ചോദ്യപേപ്പർ ചോർത്തി വാട്ട്സ് ആപ്പ് വഴി പ്രചരിപ്പിച്ചതായാണു പരാതി. തൃശൂർ ജില്ലാ കോ-ഓർഡിനേറ്റർക്ക് വാട്ട്സ് ആപ്പ് വഴി ചോദ്യപേപ്പർ ലഭിക്കുകയും തുടർന്ന് അദ്ദേഹം അതു ഹയർ സെക്കൻഡറി ജോയിന്റ് ഡയറക്ടർക്ക് തുടർനടപടിക്കായി അയച്ചു നൽകുകയും ചെയ്തു.
ഇതിനെ തുടർന്ന് ഹയർ സെക്കൻഡറി ഡയറക്ടർ അന്വേഷണം ആവശ്യപ്പെട്ട് സംസ്ഥാന പോലീസ് മേധാവിക്ക് പരാതി നല്കിയിരുന്നു. ചോദ്യപേപ്പർ പകർത്തി എഴുതി തയാറാക്കിയ രീതിയിലായിരുന്നു വാട്ട്സ് ആപ് വഴി പ്രചരിച്ചിരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
