സിനിമാ- സീരിയല് ബാലതാരങ്ങളുടെ ചിത്രങ്ങളുപയോഗിച്ച് അശ്ലീല പോസ്റ്റുകള് നിര്മ്മിച്ച ഫേസ്ബുക്ക് പേജിനെതിരെ അന്വേഷണം. മലയാള സിനിമയിലെ ബാലതാരങ്ങളുടെ അശ്ലീല ചിത്രങ്ങള് ഉപയോഗിച്ച് ഫേസ്ബുക്ക് പേജുകള് വോട്ടിങ്ങും നടത്തിയിരുന്നു. ഇതേ പേജിന്റെ ഉടമകളെ കണ്ടെത്താന് പൊലീസ് അന്വേഷണം ആരംഭിച്ചു.
മൂന്നു ജില്ലകളിലെ ചൈല്ഡ്ലൈന് പ്രവര്ത്തകര് ബാലതാരങ്ങളുടെ മൊഴിയെടുത്ത്, പോക്സോ കേസ് റജിസ്റ്റര് ചെയ്യണമെന്ന ശുപാര്ശയോടെ പൊലീസിനു കൈമാറിയെന്നാണ് വിവരം. താരങ്ങളുടെ പേജിലും വിവിധ വെബ്സൈറ്റുകളിലും പ്രസിദ്ധീകരിച്ച ഫോട്ടോകളും ലൈവ് വിഡിയോകളുമാണ് അശ്ലീലച്ചുവയോടെ പേജില് ഉപയോഗിച്ചിരിക്കുന്നത്.
മോശം കമന്റുകളും മോര്ഫ് ചെയ്ത ചിത്രങ്ങളും ഉപയോഗിച്ച പേജിലെ ഉള്ളടക്കം ഒട്ടേറെപ്പേര് ഷെയര് ചെയ്തിട്ടുമുണ്ട്. ചൈല്ഡ്ലൈനില് ലഭിച്ച രഹസ്യവിവരം അനുസരിച്ച് പ്രാഥമികാന്വേഷണം നടത്തിയപ്പോഴാണ് കൂടുതല് കുട്ടികളുടെ ചിത്രങ്ങള് അശ്ലീലച്ചുവയോടെ ഫേസ്ബുക്കില് പ്രത്യക്ഷപെട്ടിട്ടുണ്ടെന്ന് കണ്ടെത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ