കൊച്ചി: നഴ്സുമാരുടെ ശമ്പള പരിഷ്കരണ ഉത്തരവ് സ്റ്റേ ചെയ്യണമെന്ന ആശുപത്രി മാനേജ്മെന്റുകളുടെ ആവശ്യം ഹൈക്കോടതി തള്ളി. നഴ്സുമാരുടെയും ആശുപത്രി ജീവനക്കാരുടെയും ശമ്പളം പരിഷ്കരിച്ചുകൊണ്ട് സംസ്ഥാന സര്ക്കാര് ഇറക്കിയ വിജ്ഞാപനം സ്റ്റേ ചെയ്യാനാകില്ലെന്ന് ഹൈക്കോടതി വ്യക്തമാക്കി. ഇക്കാര്യം ആവശ്യപ്പെട്ട് മാനേജ്മെന്റുകള്ക്ക് സര്ക്കാരിനെ സമീപിക്കാമെന്നും കോടതി നിര്ദേശിച്ചു.
മുന്കാല പ്രാബല്യത്തോടെയുള്ള ശമ്പള വര്ധനവാണ് സര്ക്കാര് ഇറക്കിയ വിജ്ഞാപനത്തിലുള്ളത്. ഇത് നടപ്പിലാക്കിയാല് ആശുപത്രികള് പൂട്ടേണ്ടിവരുമെന്ന് ചൂണ്ടിക്കാട്ടിയാണ് മാനേജുമെന്റുകള് കോടതിയെ സമീപിച്ചത്. ചെറിയ രീതിയിലെങ്കിലും ഇത് നടപ്പാക്കുകയാണെങ്കില്പ്പോലും ചികിത്സാ ചെലവ് അടക്കം വര്ധിപ്പിക്കേണ്ടി വരുമെന്നും മാനേജ്മെന്റുകള് ചൂണ്ടിക്കാട്ടുന്നു.
നഴ്സുമാരുടെ കുറഞ്ഞ അടിസ്ഥാന ശമ്പളം 20,000 രൂപയാക്കി വര്ധിപ്പിച്ചാണ് സംസ്ഥാന സര്ക്കാര് വിജ്ഞാപനം ഇറക്കിയത്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ