പന്തളം : കേന്ദ്ര മന്ത്രി പ്രകാശ് ജാവദേക്കറുടെ വാഹനവ്യൂഹത്തിലേക്കു സ്വകാര്യ വാഹനം പാഞ്ഞുകയറി. ചെങ്ങന്നൂർ ഉപതിരഞ്ഞെടുപ്പ് പ്രചാരണം കഴിഞ്ഞു മടങ്ങുകയായിരുന്നു മന്ത്രി. പന്തളത്തിനും കുളനടക്കും ഇടയിലാണ് സംഭവം. മന്ത്രിയുടെ വാഹന വ്യൂഹത്തെ കുളനടയിൽ വച്ച് മറികടക്കാൻ ശ്രമിക്കുമ്പോഴാണ് അപകടം.
ജാവദേക്കറിന്റെ വാഹനത്തെ മറികടന്ന സ്വകാര്യ വാഹനം, പൈലറ്റ് വാഹനത്തെ മൂന്ന് തവണ ഇടിച്ചതായാണ് റിപ്പോർട്ട്. ആർക്കും പരിക്കില്ല. ഇടിച്ച കാറും ഡ്രൈവറെയും പൊലീസ് കസ്റ്റഡിയിൽ എടുത്തു. ചെരിക്കൽ ചെറുമല പാലനിൽക്കുന്നതിൽ വടക്കേതിൽ ലെനിൻ മുരളിയാണ് കാർ ഓടിച്ചിരുന്നത്. സംഭവത്തിൽ സുരക്ഷാ വീഴ്ച അന്വേഷിക്കണമെന്ന് ബിജെപി ആവശ്യപ്പെട്ടു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
