വീണ്ടും കസ്റ്റഡി മർദ​നം: നട്ടെല്ലിന് ​ഗുരുതര പരിക്കുമായി യുവാവ് ആശുപത്രിയിൽ 

ആലപ്പുഴ: അ​യ​ൽ​വാ​സി​ക​ളു​മാ​യു​ണ്ടാ​യ വാ​ക്കു​ത​ർ​ക്ക​ത്തെ തു​ട​ർ​ന്നു സ്റ്റേ​ഷ​നി​ലേ​ക്ക് വി​ളി​പ്പി​ച്ച യു​വാ​വി​നെ പോ​ലീ​സ് ക്രൂ​ര​മാ​യി മ​ർ​ദി​ച്ച​താ​യി ബന്ധുക്കളുടെ പരാതി. ആലപ്പുഴ അ​രൂ​ർ സ്വദേശി സു​ധീ​ഷി (37) നാ​ണു മ​ർ​ദ​ന​മേ​റ്റ​ത്. ന​ട്ടെ​ല്ലി​നു ഗു​രു​ത​ര​മാ​യി പ​രി​ക്കേ​റ്റ ഇ​യാ​ൾ ക​ള​മ​ശേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. 

ക​ഴി​ഞ്ഞ 20ന് ​അ​യ​ൽ​ക്കാ​രു​മാ​യി വാ​ക്കു​ത​ർ​ക്ക​ത്തെ​ത്തു​ട​ർ​ന്നു​ണ്ടാ​യ പ​രാ​തി​യി​ൽ സു​ധീ​ഷി​നെ എ​സ്ഐ സ്റ്റേ​ഷ​നി​ലേ​ക്ക് വി​ളി​പ്പി​ക്കു​ക​യാ​യി​രു​ന്നു. ഗൗ​ര​വ​മായ കേ​സ് അ​ല്ലാ​ത്ത​തി​നാ​ൽ സു​ധീ​ഷ് ത​നി​ച്ചാ​ണ് സ്റ്റേ​ഷ​നി​ലെ​ത്തി​യ​ത്. എ​ന്നാ​ൽ എ​സ്ഐ ഉ​ൾ​പ്പെ​ടെ​യു​ള്ള​വ​ർ മാ​റി മാ​റി ഇ​യാ​ളെ മ​ർ​ദി​ക്കു​ക​യായിരുന്നു എ​ന്നാ​ണ് സു​ധീ​ഷി​ന്‍റെ ബ​ന്ധു​ക്ക​ൾ ആ​രോ​പി​ക്കു​ന്ന​ത്. 

കു​റേ​നേ​രം ക​ഴി​ഞ്ഞി​ട്ടും സു​ധീ​ഷി​നെ കാ​ണാ​ത്ത​തി​നാ​ൽ ബ​ന്ധു​ക്ക​ളും സു​ഹൃ​ത്തു​ക്ക​ളും തി​ര​ക്കി​ചെ​ല്ലു​മ്പോൾ മ​ർ​ദ​ന​മേ​റ്റ് അ​വ​ശ​നി​ല​യി​ലാ​യി​രു​ന്നു. എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ൽ പ​രി​ശോ​ധ​ന ന​ട​ത്തി​യ​ശേ​ഷം സു​ധീ​ഷി​നെ ക​ള​മ​ശേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി. മ​ർ​ദ​ന​മേ​റ്റ സു​ധീ​ഷ് പെ​യി​ന്‍റിം​ഗ് തൊ​ഴി​ലാ​ളി​യാ​ണ്.