കോട്ടയം: ട്രെയിനില് മൂര്ഖന് പാമ്പ് കുടുങ്ങിയതിനെ തുടര്ന്ന് കോട്ടയം- എറണാകുളം പാതയില് തീവണ്ടി തന്നെ നിന്നുപോയി. എന്ജിനിലേക്ക് വൈദ്യൂതി എത്തിക്കുന്ന പാന്റ്റോഗ്രാഫിലാണ് പാമ്പ് കുടുങ്ങിയത്.
അസമിലെ ദിബ്രുഗഡില് നിന്ന് കന്യാകുമാരിയിലേക്കുളള വിവേക് എക്സ്പ്രസില് ബുധനാഴ്ച രാവിലെയോടെയാണ് സംഭവം. വൈക്കം റോഡ് റെയില്വേ സ്റ്റേഷനില് എത്തിയപ്പോഴാണ് ലോക്കോപൈലറ്റ് പത്തി വിടര്ത്തി ചീറ്റുന്ന പാമ്പിനെ കണ്ടത്. അപ്പോള് തന്നെ ട്രെയിന് നിന്നു. പരിശോധനയില് പാന്റ്റോഗ്രാഫിന് ഷോര്ട്ടിങ് ഉണ്ടായെന്ന് കണ്ടെത്തി. ഉദ്യോഗസ്ഥരെത്തി തകരാറുകള് പരിഹരിച്ചു. പാമ്പ് ഷോക്കടിച്ച് ചത്തെന്നും ഉദ്യോഗസ്ഥര് പറഞ്ഞു.
ഒന്നരമണിക്കൂറോളം വൈകി ഒന്പതുമണിയോടെയാണ് യാത്ര തുടര്ന്നതെങ്കിലും കോട്ടയം- എറണാകുളം പാതയില് തീവണ്ടി ഗതാഗതം പൂര്ണമായും താളം തെറ്റി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ