ന്യൂഡല്ഹി: ശബരിമല യുവതി പ്രവേശനത്തിനെതിരായ പുനഃപരിശോധന ഹര്ജികള് നാളെ സുപ്രിംകോടതി പരിഗണിക്കും. ഉച്ചയ്ക്ക് മൂന്നുമണിക്ക് ചേംബറിലാണ് ഹര്ജികള് പരിഗണിക്കുക. ശബരിമല യുവതി പ്രവേശനം അനുവദിച്ച സുപ്രിംകോടതി ഭരണഘടനാ ബെഞ്ചിന്റെ വിധിക്കെതിരെ 48 പുനഃപരിശോധന ഹര്ജികളാണ് സുപ്രിംകോടതി മുന്പാകെയുളളത്.
മുന് ചീഫ് ജസ്റ്റിസ് ദീപക് മിശ്ര അധ്യക്ഷനായുളള ഭരണഘടനാ ബെഞ്ചാണ് യുവതി പ്രവേശനം അനുവദിച്ചുകൊണ്ടുളള വിധി പുറപ്പെടുവിച്ചത്. നിലവിലെ ചീഫ് ജസ്റ്റിസ് രഞ്ജന് ഗൊഗൊയിയെ ഉള്പ്പെടുത്തി പുനഃഘടിപ്പിച്ച പുതിയ ബെഞ്ചാണ് ഹര്ജികള് പരിഗണിക്കുക. തുറന്ന കോടതിയില് വാദം കേള്ക്കില്ല എന്നതാണ് ശ്രദ്ധേയം. ചേംബറിലാണ് ഹര്ജികളെല്ലാം പരിഗണിക്കുക.
അതേസമയം ശബരിമല ഭക്തന്മാരുടെ മൗലിക അവകാശങ്ങള് സംരക്ഷിക്കണമെന്നാവശ്യപ്പെട്ടുളള മൂന്ന് റിട്ട് ഹര്ജികള് നാളെ രാവിലെ സുപ്രിംകോടതി പരിഗണിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ