പത്തനംതിട്ട:മണ്ഡല, മകരവിളക്ക് പൂജയ്ക്കായി നട തുറക്കുന്ന ശബരിമലയില് സുരക്ഷ ശക്തമാക്കാന് പൊലീസ് തീരുമാനം. ഇതിന്റെ ഭാഗമായി 5200 പൊലീസുകാരെ ശബരിമലയില് നിയോഗിക്കും. സന്നിധാനത്തും നിലയ്ക്കലും ഓരോ ഐജിമാര്ക്കും രണ്ട് എസ്പിമാര്ക്കും വീതം ചുമതല നല്കി സുരക്ഷ ശക്തമാക്കാനാണ് തീരുമാനിച്ചിരിക്കുന്നത്. എഡിജിപി അനില്കാന്തിനും ഐജി മനോജ് എബ്രഹാമിനുമായിരിക്കും സുരക്ഷാക്രമീകരണങ്ങളുടെ മേല്നോട്ട ചുമതല.
മണ്ഡല, മകരവിളക്ക് പൂജയ്ക്കായി ശബരിമല നട തുറക്കുന്ന 16ന് രാവിലെ പത്തുമണിയോടെ കാല്നട തീര്ത്ഥാടകര്ക്ക് ദര്ശനത്തിനായി നിലയ്ക്കലിന് നിന്നും പ്രവേശനം അനുവദിക്കും. വാഹനങ്ങള്ക്ക് ഉച്ചയ്ക്ക് 12 മണി മുതലായിരിക്കും പ്രവേശനം അനുവദിക്കുക. സുരക്ഷ ശക്തമാക്കുന്നതിന്റെ ഭാഗമായി അയ്യപ്പന്മാര് വരുന്ന കാട്ടുവഴികളിലും നിരീക്ഷണം ശക്തമാക്കാന് പൊലീസ് തീരുമാനിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ