നാദാപുരം: കളിക്കുന്നതിനിടെ അബദ്ധത്തില് സ്റ്റീല് പാത്രം തലയിലേക്ക് കമഴ്ത്തിയതായിരുന്നു അയാന്. പിന്നെ എത്ര ശ്രമിച്ചിട്ടും പാത്രം തലയില് നിന്നും ഊരിയെടുക്കാന് പറ്റിയില്ല. അച്ഛനും അമ്മയും ബന്ധുക്കളും നാട്ടുകാരും ശ്രമിച്ചിട്ടും രക്ഷയില്ല. ഒടുവില് അവര് അയാനേയും കൊണ്ട് നേരെ ഫയര്ഫോഴ്സ് സ്റ്റേഷനിലേക്ക് പാഞ്ഞു.
നരിപ്പറ്റ പുതിയോട്ടില് ത്വല്ഹത്തിന്റെ മകന് നാല് വയസുകാരന് അയാനാണ് എട്ടിന്റെ പണി കിട്ടിയത്. ഏറെ പണിപ്പെട്ടിട്ടും പാത്രം ഊരിയെടുക്കാന് സാധിക്കാതെ വന്നതോടെ വീട്ടുകാര് അയാനേയും കൊണ്ട് ചേലക്കാട്ടെ ഫയര്ഫോഴ്സ് സ്റ്റേഷനിലെത്തി.
ഏറെ നേരത്തെ പ്രയത്നത്തിന് ഒടുവില് ലീഡിങ് ഫയര്മാന് സനലിന്റെ നേതൃത്വത്തില് ആറ് പേരടങ്ങുന്ന സംഘമാണ് അയാന്റെ തലയില് നിന്നും പാത്രം അറുത്ത് മാറ്റിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ