തിരുവനന്തപുരം: സംസ്ഥാനത്ത് ശക്തമായ മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. കന്യാകുമാരിക്ക് അടുത്ത് രൂപം കൊണ്ട ന്യൂനമര്ദത്തിന്റെ പശ്ചാത്തലത്തില് സംസ്ഥാനത്ത് കനത്ത മഴ ലഭിക്കുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പില് പറയുന്നു.
ഇതിന്റെ ഭാഗമായി ഇടുക്കി, കോട്ടയം, പത്തനംതിട്ട ജില്ലകളില് നാളെ യെല്ലോ അലര്ട്ട് പ്രഖാപിച്ചു. അറബിക്കടലിലെ ചുഴലിക്കാറ്റ് തീവ്രതകുറഞ്ഞ് ന്യൂനമര്ദ്ദമായി മാറുന്നതിനിടെ ബംഗാള് ഉള്ക്കടലില് പുതിയ ന്യൂനമര്ദ്ദം രൂപം കൊണ്ടതായും റിപ്പോര്ട്ടുകളുണ്ട്. ബംഗാള് ഉള്ക്കടലിന്റെ തെക്കുഭാഗത്തായാണ് ന്യൂനമര്ദ്ദം നിലകൊള്ളുന്നത്.
തെക്ക് പടിഞ്ഞാറന് അറബിക്കടലില് ശക്തമായ കാറ്റിനും കടല്ക്ഷോഭത്തിനും സാധ്യതയുള്ളതിനാല് മത്സ്യതൊഴിലാളികള് ഈ ഭാഗത്തേക്ക് പോകരുതെന്ന് മുന്നറിയിപ്പുണ്ട്. ലക്ഷദ്വീപില് നിന്ന് 700 കിലോമീറ്ററോളം അകലെയാണ് അറബിക്കടലിലെ ന്യൂനമര്ദ്ദത്തിന്റെ സ്ഥാനം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ