യുവതി പ്രവേശനമല്ല വിഷയം; ശബരിമലയെ തകർക്കാൻ കമ്യൂണിസ്റ്റ് പാർട്ടിയെ അനുവദിക്കില്ലെന്ന് ആർഎസ്എസ്

ശബരിമല വിഷയത്തില്‍ നടത്തുന്ന സമരം യുവതി പ്രവേശനത്തിനെതിരല്ലെന്ന് ആര്‍എസ്എസ്
യുവതി പ്രവേശനമല്ല വിഷയം; ശബരിമലയെ തകർക്കാൻ കമ്യൂണിസ്റ്റ് പാർട്ടിയെ അനുവദിക്കില്ലെന്ന് ആർഎസ്എസ്

കോഴിക്കോട്: ശബരിമല വിഷയത്തില്‍ നടത്തുന്ന സമരം യുവതി പ്രവേശനത്തിനെതിരല്ലെന്ന് ആര്‍എസ്എസ്. ഇപ്പോള്‍ നടക്കുന്ന സമരത്തിന്റേയും പ്രതിഷേധത്തിന്റേയും അടിസ്ഥാനം യുവതി പ്രവേശിക്കണോ വേണ്ടയോ എന്നതല്ലെന്നും ആര്‍എസ്എസ് പ്രാന്ത കാര്യവാഹക് വി ഗോപാലന്‍ കുട്ടി പറഞ്ഞു. യുവതി പ്രവേശന വിഷയമാണെന്ന് എല്ലാവരും വ്യാഖ്യാനിക്കുകയാണെന്നും അദ്ദേഹം വ്യക്തമാക്കി. 

ശബരിമലയെ തകര്‍ക്കാനുള്ള നിരീശ്വരവാദികളുടേയും കമ്മ്യൂണിസ്റ്റ് പാര്‍ട്ടിക്കാരുടെയും ഗൂഢ പ്രവര്‍ത്തനത്തെ അംഗീകരിക്കാന്‍ കഴിയില്ല. അതിനെതിരെയാണ് സമരം. കോടതി വിധി നടപ്പാക്കാന്‍ ധൃതി കാണിക്കുന്നതിന് മുൻപ് തന്ത്രിയേയും രാജ കുടുംബത്തേയും കണ്ട് ആലോചനകള്‍ നടത്തണമായിരുന്നു. അവരുമായി ചര്‍ച്ച ചെയ്ത ശേഷമാണ് കോടതി വിധി നടപ്പാക്കേണ്ടതെന്നും ഗോപാലന്‍ കുട്ടി കൂട്ടിച്ചേർത്തു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com