റാന്നി: ബിജെപി സംസ്ഥാന സെക്രട്ടറി കെ സുരേന്ദ്രനെ തിരുവനന്തപുരം സെന്ട്രല് ജയിലിലേക്ക് മാറ്റും. റാന്നി മജിസ്ട്രേറ്റ് കോടതിയാണ് ഇതിനുള്ള അനുമതി നല്കിയത്. ആരോഗ്യ സ്ഥിതി പരിഗണിച്ച് പൂജപ്പുരയിലേക്ക് മാറാന് അനുവദിക്കണമെന്ന് ആവശ്യപ്പെട്ട് സുരേന്ദ്രന് സമര്പ്പിച്ച അപേക്ഷയിലാണ് തീരുമാനം.
കോഴിക്കോട് ജയിലില് കഴിഞ്ഞിരുന്ന സുരേന്ദ്രന് പൊലീസിനെ ഭീഷണിപ്പെടുത്തിയ കേസില് ഇന്ന് കണ്ണൂര് കോടതി ജാമ്യം അനുവദിച്ചിരുന്നു. ശബരിമല സന്നിധാനത്തെത്തിയ തൃശ്ശൂര് സ്വദേശിനിയെ ആക്രമിക്കാന് ഗൂഢാലോചന നടത്തിയെന്ന കേസിലാണ് സുരേന്ദ്രനെ നേരത്തെ റിമാന്ഡ് ചെയ്തിരുന്നത്. കേസില് പതിമൂന്നാം പ്രതിയാണ് സുരേന്ദ്രന്. ഈ കേസില് സുരേന്ദ്രന് സമര്പ്പിച്ച ജാമ്യാപേക്ഷ കോടതി തള്ളിയിരുന്നു. ഇതേത്തുടര്ന്നാണ് ആരോഗ്യസ്ഥിതി പരിഗണിച്ച് തിരുവനന്തപുരത്തേക്ക് മാറ്റാന് തീരുമാനമായത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ