ജിദ്ദ: സൗദി അറേബ്യയിലെ തനൂമ ടണലിന് സമീപം ഉണ്ടായ വാഹനാപകടത്തില് കൊല്ലം സ്വദേശിയുള്പ്പടെ മൂന്ന് പേര് മരിച്ചു. കൊല്ലം കടവൂര് സ്വദേശിയായ ചാള്സ് സെബാസ്റ്റ്യനാണ്(51) മരിച്ചത്. തനൂമ ടണലിന് സമീപം വച്ച് ഇവര് സഞ്ചരിച്ച ട്രക്ക് നിയന്ത്രണം വിട്ട് കൊക്കയിലേക്ക് മറിയുകയായിരുന്നു. മരിച്ചവരില് മറ്റ് രണ്ട് പേര് ഒരാള് ഉത്തര്പ്രദേശ് സ്വദേശിയും മറ്റേയാള് പാകിസ്ഥാനിയുമാണ്.
കുടുംബത്തോടൊപ്പം ഷാര്ജയിലായിരുന്ന ചാള്സ് രണ്ട് മാസം മുന്പാണ് സൗദിയിലേക്ക് എത്തിയത്. മൃതദേഹം എത്രയും വേഗം കോണ്സുലേറ്റിന്റെയും സുഹൃത്തുക്കളുടെയും സഹായത്തോടെ നാട്ടിലെത്തിക്കുമെന്ന് ബന്ധുക്കള് അറിയിച്ചു. ഭാര്യ; ശോഭ, മകന് റിന്റോ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ