കൊച്ചി: ശബരിമലയിലെ പൊലീസ് നടപടികളുമായി ബന്ധപ്പെട്ട ഹര്ജികള് ഇന്ന് ഹൈക്കോടതി പരിഗണിക്കും. ശബരിമലയില് നടന്ന അക്രമ സംഭവങ്ങളുമായി ബന്ധപ്പെട്ട് പൊലീസുകാര്ക്കെതിരെ നടപടി ആവശ്യപ്പെട്ട് ആചാര സംരക്ഷണ സമിതി ഉള്പ്പടെയുള്ളവര് സമര്പ്പിച്ച ഹര്ജികളാണ് കോടതി പരിഗണിക്കുന്നത്.
ശബരിമലയിലും പരിസരങ്ങളിലും പ്രഖ്യാപിച്ചിരിക്കുന്ന നിരോധനാജ്ഞ ഭരണഘടനാ വിരുദ്ധമാണെന്നാണ് ഹര്ജിക്കാരുടെ വാദം. ശബരിമലയില് ജഡ്ജിയെയും തടഞ്ഞെന്നും ഇന്നലെ ഹര്ജിക്കാര് കോടതിയില് ആരോപണം ഉന്നയിച്ചിരുന്നു.
ശബരിമലയില് പൊലീസ് പ്രകോപനം ഉണ്ടാക്കിയിട്ടില്ലെന്നും യഥാര്ഥ ഭക്തര്ക്ക് നിയന്ത്രണം ഇല്ലെന്നുമാണ് സര്ക്കാര് നിലപാട്. ഇക്കാര്യം വ്യക്തമാക്കി സര്ക്കാര് സത്യവാങ്മൂലം നല്കിയിരുന്നു. നടപ്പന്തല് പ്രതിഷേധക്കാരുടെ താവളമാക്കി മാറ്റാനാവില്ലെന്നും ഇവിടെ പ്രശ്നമുണ്ടായാല് എല്ലാ വഴികളും അടയുമെന്നും സര്ക്കാര് വാദിച്ചിരുന്നു. അതിനിടെ ശബരിമലയിലെ നിരോധനാജ്ഞ ഈ മാസം 30 വരെ നീട്ടിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ