തൊടുപുഴ: പ്രളയത്തിന് പിന്നാലെ മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു മാസത്തെ ശമ്പളം നല്കാന് തയ്യാറാവാതിരുന്ന പൊലീസുകാരുടെ ശമ്പളം പിടിച്ചെടുത്തു. ഇടുക്കി ജില്ലയിലെ പൊലീസുകാരുടെ ശമ്പളമാണ് പിടിച്ചെടുത്തത്.
ഇതിനെതിരെ ഒരു പൊലീസുകാരന് നല്കിയ ഹര്ജി ഹൈക്കോടതി ഫയലില് സ്വീകരിച്ചിട്ടുണ്ട്. ഇവരുടെ സെപ്തംബറിലെ ശമ്പളമാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് പിടിച്ചെടുത്തത്. 30 ദിവസത്തെ ലീവ് സറണ്ടര് വഴി സാലറി പിടിക്കുകയായിരുന്നു.
മുഖ്യമന്ത്രിയുടെ ദുരിതാശ്വാസ നിധിയിലേക്ക് ശമ്പളം നല്കാതെ വിട്ടുനില്ക്കുന്നത് ജില്ലയിലെ പൊലീസ് സേനയ്ക്ക് നാണക്കേടാണെന്ന് പറഞ്ഞ,് ഏത് വിധേനയും പൊലീസുകാരില് നിന്നും സമ്മതപത്രം വാങ്ങിയെടുക്കണം എന്ന് പറഞ്ഞ് ഉന്നതദ ഉദ്യോഗസ്ഥരില് നിന്നും സമ്മര്ദ്ദം വന്നതായാണ് സൂചന.
സ്ഥലം മാറ്റം ഉള്പ്പെടെയുള്ള ഭീഷണികള് ചില ഡിവൈഎസ്പിമാര് ഉയര്ത്തിയിരുന്നതായും പറയപ്പെടുന്നു. വിസമ്മത പത്രം നല്കിയ പൊലീസുകാരെ മൂന്നാറിലെ നീലക്കുറിഞ്ഞി സീസണില് സ്പെഷ്യല് ഡ്യൂട്ടിക്കയച്ചതും വിവാദമായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ