തിരുവനന്തപുരം : ഭരണപരിഷ്കാര കമ്മീഷന് ചെയര്മാനും മുന് മുഖ്യമന്ത്രിയുമായ വിഎസ് അച്യുതാനന്ദനെയും, യുവജനകമ്മീഷന് ചെയര്പേഴ്സണ് ചിന്ത ജെറോമിനെയും സാമൂഹിക മാധ്യമങ്ങളിലൂടെ അപമാനിച്ച് പോസ്റ്റിട്ട സംഭവത്തില് രണ്ടുപേര് അറസ്റ്റില്. കോഴിക്കോട് കല്ലായി പയ്യാനക്കല് ചാമുണ്ഡിവളപ്പില് വിജീഷ്, കല്ലായി പയ്യാനക്കല് കപ്പക്കല് കോട്ടിയാല ഹൗസില് നിതിന് എന്നിവരാണ് പിടിയിലായത്.
തിരുവനന്തപുരം മ്യൂസിയം പൊലീസാണ് ഇവരെ അറസ്റ്റ് ചെയ്തത്. ചിന്ത ജെറോം നല്കിയ പരാതിയെ തുടര്ന്നാണ് നടപടി. വിഎസിനും ചിന്തക്കുമെതിരെ സമൂഹമാധ്യമങ്ങള് വഴി അപകീര്ത്തികരമായ സന്ദേശങ്ങള് പ്രചരിപ്പിച്ചു എന്നാണ് കേസ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ