തിരുവനന്തപുരം: പി.കെ ശശി എംഎല്‍എക്ക് എതിരെയുള്ള ഡിെൈവഫ്‌ഐ നേതാവിന്റെ പീഡനാരോപണ പരാതിയില്‍ പാര്‍ട്ടി നടപടി നീളും.
സംഭവം അന്വേഷിക്കാന്‍ പാര്‍ട്ടി ചുമതലപ്പെടുത്തിയ രണ്ടംഗ കമ്മിഷന്റെ അന്വേഷണം പൂര്‍ത്തിയായിട്ടില്ല. സിപിഎം സംസ്ഥാന കമ്മിറ്റി ഇന്നും വിഷയം ചര്‍ച്ച ചെയ്തില്ല. ഇതോടെയാണു നടപടി നീളുമെന്ന് ഉറപ്പായത്.
യുവതിയോ ബന്ധുക്കളോ പൊലീസില്‍ പരാതി നല്‍കാത്തതിനാല്‍ കേസെടുക്കാനാകില്ലെന്ന് പൊലീസ് കഴിഞ്ഞദിവസം വ്യക്തമാക്കിയിരുന്നു. പാലക്കാട് ജില്ലാ പൊലീസ് മേധാവിയാണ് ഇതുസംബന്ധിച്ചു ഡിജിപിക്ക് റിപ്പോര്‍ട്ട് നല്‍കിയത്. കെഎസ്‌യുവും യുവമോര്‍ച്ചയും സംഭവത്തില്‍ പൊലീസില്‍ പരാതി നല്‍കിയതിന്റെ അടിസ്ഥാനത്തിലാണ് റിപ്പോര്‍ട്ട് സമര്‍പ്പിച്ചത്.
പി.കെ.ശശിക്കെതിരെ മൊഴി നല്‍കാന്‍ യുവതി തയാറായിട്ടില്ലെന്നാണ് പൊലീസ് നിലപാട്. മന്ത്രി എ.കെ.ബാലന്‍, പി.കെ.ശ്രീമതി എംപി എന്നിവരെയാണു പരാതി അന്വേഷിക്കാന്‍ സിപിഎം ചുമതലപ്പെടുത്തിയിരിക്കുന്നത്. ടെലിഫോണ്‍ സംഭാഷണം ഉള്‍പ്പെടെ ഡിജിറ്റല്‍ തെളിവുകള്‍ പരാതിക്കാരി കമ്മിഷന് കൈമാറി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
