തിരുവനന്തപുരം: നവരാത്രി ആഘോഷങ്ങള്‍ പ്രമാണിച്ച് റെയില്‍വെ സംസ്ഥാനത്തിന് പ്രത്യേക ട്രെയിനുകള്‍ അനുവദിച്ചു. എറണാകുളം ജംഗ്ഷന്‍, എറണാകുളം സെന്‍ട്രല്‍, നാഗര്‍കോവില്‍ എന്നിവിടങ്ങളില്‍ നിന്ന് പുറപ്പെടുകയും തിരിച്ചെത്തുകയും ചെയ്യുന്ന തരത്തിലാണ് പ്രത്യേക ട്രെയിനുകള്‍ അനുവദിച്ചത്.
82646 നാഗര്‍കോവില്‍- താംബരം സുവിധ എക്‌സ്പ്രസ് 21ന് വൈകിട്ട് 5.5ന് നാഗര്‍കോവിലില്‍നിന്ന് പുറപ്പെടും. 06063 താംബരം-നാഗര്‍കോവില്‍ സ്‌പെഷ്യല്‍ ഫെയര്‍ ട്രെയിന്‍ 22ന് പകല്‍ 11.30ന് താംബരത്തുനിന്ന് പുറപ്പെടും.
82637 ചെന്നൈ സെന്‍ട്രല്‍- എറണാകുളം ജംഗ്ഷന്‍ സുവിധ 17ന് രാത്രി 8.40ന് ചെന്നൈയില്‍ നിന്ന് പുറപ്പെടും. 82638 എറണാകുളം ജംഗ്ഷന്‍-ചെന്നൈ സെന്‍ട്രല്‍ സുവിധ രാത്രി ഏഴിന് എറണാകുളത്തു നിന്ന് പുറപ്പെടും.
82639 ചെന്നൈ സെന്‍ട്രല്‍-എറണാകുളം സെന്‍ട്രല്‍ സുവിധ നവംബര്‍ രണ്ടിന് രാത്രി 8.40ന് ചെന്നൈയില്‍ നിന്ന് പുറപ്പെടും. 82640 ട്രെയിന്‍ നവംബര്‍ ഏഴിന് രാത്രി 7.30ന് എറണാകുളം ജംഗ്ഷനില്‍ നിന്ന് പുറപ്പെടും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
