കൊച്ചി: കുടിയിറക്കില്ലെന്ന് ഉറപ്പ് നൽകിയിട്ടും ബാങ്കും റിയൽ എസ്റ്റേറ്റ് മാഫിയയും ജപ്തി നടപടിയിലേക്ക് നീങ്ങുന്നുവെന്ന് ആരോപിച്ച് പ്രീത ഷാജി മൂന്നാംഘട്ട സമരം തുടങ്ങാനൊരുങ്ങുന്നു. രണ്ടര കോടി മൂല്യം വരുന്ന ഇടപ്പള്ളിയിലെ വീടിന് പകരം ആലങ്ങാട് എട്ട് സെന്റ് ഭൂമിയും പഴകിയ വീടും തരാനുള്ള റിയൽ എസ്റ്റേറ്റ് തീരുമാനത്തെ അംഗീകരിക്കാൻ ആകില്ലെന്ന് സമരസമിതി വ്യക്തമാക്കി.
മൂന്നാംഘട്ട സമരത്തിന്റെ ഭാഗമായി എറണാകുളം ജില്ലയുടെ വിവിധ ഭാഗങ്ങളിലേക്ക് മൂന്ന് ദിവസം വാഹന പ്രചാരണ ജാഥ നടത്തും. ഈ മാസം 17 മുതൽ 19 വരെയാണ് പ്രതിഷേധ ജാഥ. ജാഥയ്ക്ക് സമാപനം കുറിച്ച് കളമശേരിയിൽ സർവകക്ഷി സമ്മേളനം സംഘടിപ്പിക്കുമെന്നും സമരസമിതി അംഗങ്ങൾ അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ