മഴ ശക്തമാകുന്നു: നേര്യമം​ഗലത്ത് ഉരുൾപൊട്ടി, പശുവും നിർത്തിയിട്ട ഒാട്ടോയും ഒലിച്ച് പോയി

കോ​ത​മം​ഗ​ലം: ക​ന​ത്ത മ​ഴ​യി​ൽ വൻ നാശനഷ്ടം. നേ​ര്യ​മം​ഗ​ല​ത്തി​നു സ​മീ​പം നീ​ണ്ട​പാ​റ​യി​ലും ചെൻപൻ​കു​ഴി​യി​ലും ഉ​രു​ൾ​പൊ​ട്ടലുണ്ടായി. ബു​ധ​നാ​ഴ്ച വൈ​കീട്ടോടെയാ​യി​രു​ന്നു ഉ​രു​ൾ​പൊ​ട്ട​ൽ ഉണ്ടായത്. ചെ​ൻപ​ൻ​കു​ഴി​യി​ൽ ര​ണ്ടു വീ​ടു​ക​ൾ ഭാ​ഗി​ക​മാ​യി ന​ശി​ച്ചു. തൊ​ഴു​ത്തി​ൽ കെ​ട്ടി​യി​രു​ന്ന പ​ശു മ​ല ​വെ​ള്ള​ത്തി​ൽ​പ്പെ​ട്ടു ച​ത്തു. ഒ​രു കി​ടാ​വും വീ​ട്ടു​മു​റ്റ​ത്തു പാ​ർ​ക്ക് ചെ​യ്തി​രു​ന്ന ഓ​ട്ടോ​റി​ക്ഷ​യും മ​ല​വെ​ള്ള​പ്പാ​ച്ചി​ലി​ൽ ഒ​ഴു​കി​പ്പോ​യി. ആ​ള​പാ​യ​മി​ല്ല.

നീ​ണ്ട​പാ​റ ഡ​ബി​ൾ ​കു​രി​ശി​നു സ​മീ​പം പ​ൻപുഹൗ​സ് റോ​ഡി​ൽ അ​ര കി​ലോ​മീ​റ്റ​ർ മാ​റി ജ​ന​വാ​സ മേ​ഖ​ല​യി​ലാ​ണ് ഉ​രു​ൾ​പൊ​ട്ട​ൽ ഉണ്ടായത്. ന​ഗ​രം​പാ​റ റി​സ​ർ​വ് വ​ന​ത്തിൽ നിന്നാ​ണ് ഉ​രു​ൾ​പ്പൊ​ട്ടി​യ​തെ​ന്നാ​ണു നി​ഗ​മ​നം. വ​ന​ത്തി​നു താ​ഴെ താ​മ​സി​ക്കു​ന്ന കൊ​ച്ചു​തൊ​ട്ടി​യി​ൽ സ​ണ്ണി​യു​ടെ വീ​ടി​ന്‍റെ ഒ​രു​ഭാ​ഗ​വും തൊ​ഴു​ത്തും മ​ല​വെ​ള്ള​ത്തി​ൽ ക​ല്ലും മ​ണ്ണും വ​ന്നി​ടി​ച്ചു ത​ക​ർ​ന്ന നിലയിലാണ്.

നേ​ര്യ​മം​ഗ​ലം-​ഇ​ടു​ക്കി റോ​ഡി​നു സ​മീ​പം ഉ​രു​ൾ​പൊ​ട്ടി​യ​തി​നാ​ൽ ഇ​തു​വ​ഴി​യു​ള്ള ഗ​താ​ഗ​തം ഭീ​ഷ​ണി​യി​ലാ​യി. ഉൗ​ന്നു​ക​ൽ പൊലീ​സും കോ​ത​മം​ഗ​ല​ത്തു​നി​ന്ന് അ​ഗ്നി​ര​ക്ഷാ​സേ​ന​യും സ്ഥ​ല​ത്തെ​ത്തി​യെ​ങ്കി​ലും ശ​ക്ത​മാ​യ മ​ല​വെ​ള്ള​പ്പാ​ച്ചി​ലും വൈ​ദ്യു​ത ലൈ​ൻ പൊ​ട്ടി​യ​തും കാ​ര​ണം പ​രി​സ​ര​ത്തേ​ക്ക് അ​ടു​ക്കാ​ൻ ആ​ദ്യം സാ​ധി​ച്ചി​ട്ടി​ല്ല. രാ​ത്രി​യോ​ടെ​യാ​ണ് ഉ​രു​ൾ​പൊ​ട്ടി​യ വി​വ​രം ജ​ന​ങ്ങ​ൾ അ​റി​യു​ന്ന​ത്. വൈ​കി​ട്ട് 5.30 മു​ത​ൽ നേ​ര്യ​മം​ഗ​ലം മേ​ഖ​ല​യി​ൽ ക​ന​ത്ത​മ​ഴ​യാ​യി​രു​ന്നു.