ന്യൂഡല്ഹി: ശബരിമല സ്ത്രീപ്രവേശന വിഷയത്തില് കൊടിപിടിച്ചുളള സമരം വേണ്ടെന്ന് കോണ്ഗ്രസ് പ്രസിഡന്റ് രാഹുല് ഗാന്ധി.നേതാക്കള് പ്രകോപനപരമായ സമരരീതികളിലേക്ക് കടക്കരുത്. ഇക്കാര്യത്തില് തീവ്രസമരം വേണ്ടെന്നും കേരള നേതാക്കളെ രാഹുല് ഗാന്ധി ഓര്മ്മിപ്പിച്ചു.
ശബരിമല വിഷയത്തില് രാഹുല് ഗാന്ധിയുമായി കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രനും പ്രതിപക്ഷ നേതാവ് രമേശ് ചെന്നിത്തലയും കൂടിക്കാഴ്ച നടത്തിയിരുന്നു. ശബരിമല വിഷയത്തില് കേന്ദ്ര നേതൃത്വത്തിനും സംസ്ഥാന നേതൃത്വത്തിനും അഭിപ്രായ വ്യത്യാസമില്ലെന്നാണ് ചര്ച്ചയ്ക്ക് ശേഷം മുല്ലപ്പള്ളി പറഞ്ഞത്.
ശബരിമലയില് പ്രായഭേദമന്യേ സ്ത്രീകള്ക്ക് പ്രവേശിക്കാമെന്ന സുപ്രീം കോടതി വിധി വന്നതിന് പിന്നാലെ ചരിത്രമെന്നാണ് കോണ്ഗ്രസ് വിശേഷിപ്പിച്ചത്. ഇതിന്റെ ചുവടുപിടിച്ച് വിധിയെ സ്വാഗതം ചെയ്യുന്ന നിലപാടാണ് തുടക്കത്തില് കേരളത്തിലെ കോണ്ഗ്രസ് നേതൃത്വം സ്വകരിച്ചിരുന്നത്.എന്നാല് പിന്നീട് നിലപാട് മാറ്റിയ കോണ്ഗ്രസ് പ്രത്യക്ഷസമരം ആരംഭിക്കുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ