ന്യൂഡല്ഹി: ഹാദിയക്കേസ് അവസാനിപ്പിക്കാന് ദേശീയ അന്വേഷണ ഏജന്സി തീരുമാനിച്ചു. ഹാദിയയെ നിര്ബന്ധിത മതപരിവര്ത്തനം നടത്തിയെന്നതിന് തെളിവുകള് ലഭിക്കാത്ത സാഹചര്യത്തിലാണു നടപടി. ഹാദിയയും ഷെഫിന് ജഹാനുമായുളള വിവാഹം സുപ്രീംകോടതി അംഗീകരിച്ചതും എന്ഐഎ കണക്കിലെടുത്തു.
ചില പ്രത്യേക ഗ്രൂപ്പുകള് മുഖേനയാണു പെണ്കുട്ടികളെ മതംമാറ്റുന്നതെന്നു കണ്ടെത്തിയെങ്കിലും അതു നിര്ബന്ധിത മതപരിവര്ത്തനമായിരുന്നുവെന്നു തെളിവില്ല. പെണ്കുട്ടികളെ കാണാതായതു അടക്കം 11 കേസുകള് കൂടി പരിശോധിച്ചെങ്കിലും പ്രോസിക്യൂഷന് നടപടിക്ക് ആവശ്യമായ മൊഴിയോ സാഹചര്യതെളിവുകളോ എന്ഐഎയ്ക്കു ലഭിച്ചില്ല.
രാജ്യത്ത് ഏതുമതം സ്വീകരിക്കാനും ഭരണഘടന ഉറപ്പുനല്കുന്ന സാഹചര്യത്തില് അന്വേഷണം അവസാനിപ്പിക്കാന് അന്വേഷണ ഏജന്സി തീരുമാനിക്കുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ