തിരുവനന്തപുരം: കെഎസ്ആർടിസിക്ക് പ്രതിദിന വരുമാനത്തിൽ റെക്കോർഡ് കളക്ഷൻ. ഇന്നലെ 7.95 കോടി രൂപയാണ് കളക്ഷൻ ലഭിച്ചത്. ഇത് കെഎസ്ആർടിസിയുടെ ചരിത്രത്തിലെ ഏറ്റവും വലിയ പ്രതിദിന കളക്ഷനാണ്. ഇതിനു മുൻപ് കിട്ടിയ 7.6 കോടി രൂപയുടെ റെക്കോഡാണ് കെഎസ്ആർടിസി ഇന്നലെ മറികടന്നത്.
തുലാമാസ പൂജകൾക്കായി ശബരിമല ക്ഷേത്രനട തുറന്ന് അഞ്ച് ദിവസം പിന്നിട്ടപ്പോഴാണ് കെഎസ്ആർടിസി റെക്കാർഡ് വരുമാനം നേടുന്നത്. ജനുവരിയിലും കെഎസ്ആർടിസിയുടെ പ്രതിദിന വരുമാനം ഏഴു കോടി രൂപ പിന്നിട്ടിരുന്നു. ജീവനക്കാരുടെ മിന്നല്‍ പണിമുടക്ക് മൂലം കെഎസ്ആര്‍ടിസിക്ക് ലക്ഷങ്ങളുടെ നഷ്ടമുണ്ടായത് കെഎസ്ആര്‍ടിസിക്ക് കനത്ത തിരിച്ചടിയായിരുന്നു.
ബസുകളിൽ പതിക്കുന്ന പരസ്യങ്ങളിലൂടെ നൂറ് കോടിക്ക് മുകളില്‍ വരുമാനം ലഭിച്ചതും കെഎസ്ആര്‍ടിസിക്ക് നേട്ടമാണ്. അഞ്ചു വര്‍ഷത്തേക്ക് പരസ്യം പതിക്കുന്നതിന് 161 കോടി രൂപയ്ക്കാണ് കരാറായിരിക്കുന്നത്. കരാറിലൂടെ 102 കോടി രൂപയുടെ നേട്ടം കെഎസ്ആര്‍ടിസിക്ക് ഉണ്ടാകുമെന്നാണ് വിലയിരുത്തപ്പെടുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
