കൊച്ചി: സിനിമാ രംഗത്തെ ലൈംഗിക ചൂഷണം സംബന്ധിച്ച പരാതികള് കൈകാര്യം ചെയ്യാന് പ്രത്യേക സമിതി രൂപീകരിക്കണമെന്നാവശ്യപ്പെട്ട് ഡബ്ലിയുസിസി സമർപ്പിച്ച ഹർജിയിൽ ഹൈക്കോടതി നോട്ടീസ്. ഫെഫ്കയ്ക്കും ഫിലിം ചേംബറിനുമാണ് ഹൈക്കോടതി നോട്ടീസ് അയച്ചത്. ഡബ്ലിയുസിസിക്ക് വേണ്ടി രമ്യ നമ്പീശനാണ് ഹര്ജി സമര്പ്പിച്ചത്.
ലൈംഗിക ചൂഷണം അവസാനിപ്പിക്കാൻ സിനിമാ സെറ്റുകളിൽ പരാതി പരിഹാര സെൽ രൂപീകരിക്കണമെന്നും ആവശ്യപ്പെട്ട് ഡബ്ലിയുസിസി ഹൈക്കോടതിയെ സമീപിച്ചിരുന്നു. വനിതാ ശിശുക്ഷേമ സെക്രട്ടറി, സംസ്ഥാന സർക്കാർ, അമ്മ എന്നിവരെ എതിർ കക്ഷിയാക്കിയായിരുന്നു ഹർജി. ഇതില് താരസംഘടന "അമ്മ'യ്ക്കും സര്ക്കാരിനും ഹൈക്കോടതി നോട്ടീസ് അയച്ചിരുന്നു.
അമ്മയ്ക്കെതിരെ നല്കിയ ഹര്ജിക്കൊപ്പം പുതിയ ഹര്ജിയും പിന്നീട് പരിഗണിക്കുമെന്ന് കോടതി അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ