കൊല്ലം: റെയിൽവേ പാളത്തിലിരുന്ന് മദ്യപിച്ചുകൊണ്ടിരുന്നവരെ ട്രെയിൻ തട്ടി. അപകടത്തിൽ ഒരാൾ മരിക്കുകയും സുഹൃത്തിന് പരിക്കേൽക്കുകയും ചെയ്തു. കൊട്ടാരക്കര തൃക്കണ്ണമംഗലം ഇടിസി കോളനിയിൽ സുനിൽകുമാർ (36) ആണ് മരിച്ചത്. ഇയാളുടെ ഇരുകാലുകളും പൂർണമായും തകർന്നുപോയിരുന്നു. സുഹൃത്ത് കുന്നത്തൂർ തോട്ടത്തുമുറി മുകളുവിളയിൽ രാമചന്ദ്രനാണ് (അനി-46) ഗുരുതരമായി പരിക്കേറ്റത്. ഇയാൾ തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലാണ്.
വ്യാഴാഴ്ച രാത്രിയിൽ കുണ്ടറ മുക്കട റെയിൽവേ ഗേറ്റിനും ഇളമ്പളളൂർ റെയിൽവേ ഗേറ്റിനും ഇടയിൽ പാളത്തിലായിരുന്നു അപകടം. പുനലൂരിൽനിന്ന് കൊല്ലത്തേക്ക് വരികയായിരുന്ന പാസഞ്ചർ ട്രെയിനാണ് ട്രാക്കിൽ മദ്യപിച്ചിരുന്ന ഇരുവരെയും ഇടിച്ചുതെറിപ്പിച്ചത്. ഇരുവരെയും തിരുവനന്തപുരം മെഡിക്കൽ കോളജിൽ പ്രവേശിപ്പിച്ചെങ്കിലും ഒരാൾ പുലർച്ചെയോടെ മരണത്തിന് കീഴടങ്ങുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ