തൃശൂര്‍: ഇന്ധന വില വര്‍ധനക്കെതിരെ വേറിട്ട പ്രതിഷേധ പരിപാടികളും രാജ്യമൊട്ടാകെ നടക്കുന്നുണ്ട്. തൃശൂരിലും അത്തരത്തിലുളള ഒരു സംഭവം അരങ്ങേറി. ഒരു മത്സരം സംഘടിപ്പിച്ച് പ്രതിഷേധം രേഖപ്പെടുത്തിയിരിക്കുകയാണ് സഖാക്കള്‍. ടയര്‍ ഉരുട്ടല്‍ മത്സരം സംഘടിപ്പിച്ച് തൃശ്ശൂരിലെ കോലഴി സിപിഎം ബ്രാഞ്ച് കമ്മിറ്റിയാണ് വേറിട്ടതായത്. വിജയികള്‍ക്ക് പെട്രോളും ഡീസലുമായിരുന്നു സമ്മാനം. കോലഴി തിരൂര്‍ റോഡിലായിരുന്നു മത്സരം. ഒരു രൂപയാണ് മത്സരഫീസ്.
സ്ത്രീകളും കുട്ടികളും ഉള്‍പ്പെടെ അറുപതോളം പേര്‍ മത്സരത്തിനെത്തി. ആശ്ചര്യത്തോടെ നോക്കി നിന്ന ആള്‍ക്കൂട്ടത്തിന് നടുവിലുടെ മത്സരാര്‍ത്ഥികള്‍ ടയറുമായി മുന്നേറി. ചിലര്‍ക്ക് ഇടയ്ക്ക് അടിതെറ്റി.ഒന്നാം സ്ഥാനത്തെത്തിയവര്‍ക്ക് ഒന്നരലിറ്റര്‍ പെട്രോളും ഒരു ലിറ്റര്‍ ഡീസലും ആയിരുന്നു സമ്മാനം. രണ്ടാം സ്ഥാനക്കാര്‍ക്ക് ഒരു ലിറ്റര്‍ പെട്രോളും അര ലിറ്റര്‍ ഡീസലും സമ്മാനിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
