കൊച്ചി: മഹാരാജാസ് കൊളേജിലെ എസ്എഫ്ഐ നേതാവായ അഭിമന്യു കൊലക്കേസിലെ പ്രതികള്ക്കായി പൊലീസ് ലുക്ക് ഔട്ട് നോട്ടീസുകള് പുറത്തിറക്കി. കേസിലെ 8 പ്രതികള്ക്കായാണ് ലുക്ക് ഔട്ട് നോട്ടീസ് പുറത്തിറക്കിയത്.
അഭിമന്യുവിന്റെ കൊലയാളിയടക്കം കുറ്റകൃത്യത്തില് നേരിട്ടു പങ്കെടുത്ത എട്ടു പേരെയാണ് ഇനി പിടികൂടാനുള്ളത്. കേസിലെ മുഖ്യസാക്ഷികളായ ആറുപേരും ഇവരെ ചിത്രങ്ങളില് നിന്നും തിരിച്ചറിഞ്ഞിട്ടുണ്ട്. ഇതോടെ കൊലപാതകത്തില് നേരിട്ടു പങ്കെടുത്ത 16 പ്രതികളുടെയും വിവരങ്ങള് പൊലീസിനു ലഭിച്ചു. ഇതില് എട്ടു പേര് അറസ്റ്റിലായി.
ഇവരില് ഉള്പ്പെട്ട ആദില് ബിന് സലിം, ഫറൂഖ് അമാനി, റിയാസ് ഹുസൈന് എന്നിവര് അറസ്റ്റിലായതിനു 90 ദിവസം കഴിയും മുന്പ് അന്വേഷണം പൂര്ത്തിയാക്കി കുറ്റപത്രം സമര്പ്പിക്കാനാണ് അസി. കമ്മിഷണര് എസ്.ടി. സുരേഷ്കുമാറിന്റെ നേതൃത്വത്തിലുള്ള അന്വേഷണ സംഘത്തിന്റെ നീക്കം. ജൂലൈ മൂന്നിനാണ് ഇവരെ അറസ്റ്റു ചെയ്തത്.
കുറ്റകൃത്യത്തില് നേരിട്ടും അല്ലാതെയും പങ്കെടുത്ത 26 പ്രതികളാണു പൊലീസിന്റെ പട്ടികയിലുള്ളത്. അന്വേഷണം പൂര്ത്തിയാവുമ്പോള് ഏതാനും പേര് കൂടി പ്രതിപ്പട്ടികയില് ഉള്പ്പെട്ടേക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ