മോഷണമുതല്‍ പങ്കുവെക്കുന്നതില്‍ തര്‍ക്കം; യുവാവിനെ കൊന്ന് കത്തിച്ച കേസില്‍ പ്രധാന പ്രതി അറസ്റ്റില്‍
തിരുവനന്തപുരം: മോഷണമുതല്‍ പങ്കുവെക്കുന്നതിനെ ചൊല്ലിയുണ്ടായ തുടര്‍ന്ന് യുവാവിനെ കൊലപ്പെടുത്തിയ കേസില്‍ മുഖ്യപ്രതി പിടിയില്‍. വലിയതുറ സ്വദേശി അനു അജുവിനെയാണ് ഷാഡാ പൊലിസ് പിടികൂടിയത്. കഠിനംകുളം സ്വദേശി ആകാശിനെയാണ് കഴുത്തു ഞെരിച്ചുകൊന്ന ശേഷം തമിഴ്‌നാട്ടിലുള്ള ശുചീന്ദ്രത്ത്‌ കൊണ്ടുപോയി കത്തിച്ചത്.
ബൈക്ക് മോഷ്ടാക്കളെ കേന്ദ്രീകരിച്ച് നടത്തിയ അന്വേഷണമാണ് കൊലപാതകം പുറത്തുകൊണ്ടുവന്നത്. മോഷണ മുതല്‍ പങ്കുവെക്കുന്നതിനെ തുടര്‍ന്നുണ്ടായ തര്‍ക്കമാണ് കൊലപാതകത്തിലേക്ക് നയിച്ചത്. അനു അജുവിന്റെ രണ്ടാം ഭാര്യ രേഷ്മയെ ചോദ്യം ചെയ്തതില്‍ നിന്നാണ് കൊലപാതകം പുറത്തുവന്നത്. രേഷ്മയുടെ വീട്ടിലേക്ക് വിളിച്ചുവരുത്തി കൊലചെയ്യുകയായിരുന്നു.
അനു അജുവും കൂട്ടാളി ജിത്തുവും ചേര്‍ന്നാണ് ആകാശിനെ കഴുത്ത് ഞെരിച്ച് കൊന്നത്. മുഖ്യപ്രതിയുടെ ഭാര്യ രേഷ്മയേയും അമ്മ അല്‍ഫോണയേയും നേരത്തെ പിടികൂടിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
