കൊല്ലം: രണ്ടാം ക്ലാസ് വിദ്യാര്‍ത്ഥിനിയെ തട്ടിക്കൊണ്ട് പോയി പീഡിപ്പിച്ച് വഴിയിലുപേക്ഷിച്ചു. കൊല്ലം ജില്ലയിലെ ചവറയില്‍ ശനിയാഴ്ച വൈകീട്ടോടെയാണ് നാടിനെ നടുക്കിയ സംഭവം. സ്‌കൂളില്‍ നിന്നും വീട്ടിലേക്ക് പോവുകയായിരുന്നു കുട്ടിയെ അമ്മയുടെ അടുത്തേക്ക് വിടാം എന്ന് പറഞ്ഞാണ് അജ്ഞാതന്‍ ബൈക്കില്‍ കയറ്റിക്കൊണ്ടുപോയത്.
സ്‌കൂള്‍ ബസില്‍ നിന്നിറങ്ങി വീട്ടിലേക്ക് നടക്കുന്നതിനിടക്ക് വീട്ടിലേക്ക് ആക്കാമെന്ന് പറഞ്ഞാണ് ബൈക്ക് യാത്രികന്‍ പെണ്‍കുട്ടിയെ തട്ടിക്കൊണ്ട് പോയത്. പിന്നീട് ആളൊഴിഞ്ഞ സ്ഥലത്തെത്തിയപ്പോള്‍ പീഡിപ്പിച്ച ശേഷം കുട്ടിയെ വഴിയിലുപേക്ഷിച്ച് കടന്ന് കളയുകയായിരുന്നു.
കുട്ടിയുടെ കരച്ചില്‍ കേട്ടെത്തിയ സമീപവാസികള്‍ സ്‌കൂളിന്റെ തിരിച്ചറിയല്‍ കാര്‍ഡില്‍ നിന്നും വിലാസം മനസിലാക്കി വീട്ടുകാരെ അറിയിച്ചു. വീട്ടുകാര്‍ പൊലീസില്‍ പരാതിപ്പെട്ടിട്ടുണ്ട്. പെണ്‍കുട്ടിയുടെ മൊഴിയെടുത്ത പൊലീസ് സമീപത്തെ സിസിടിവി കാമറകള്‍ പരിശോധിച്ച് വരികയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
