കൊച്ചി: സംസ്ഥാനത്ത് കനത്ത ചൂട് തുടരുന്നതിനിടെ, വയനാട്, പാലക്കാട് ജില്ലകളിൽ ഇന്ന് അങ്ങിങ്ങ് നേരിയ മഴ പെയ്യുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. ഇക്കുറി സംസ്ഥാനത്ത് ഏറ്റവുമധികം ചൂട് അനുഭവപ്പെട്ട ജില്ല പാലക്കാടാണ്. അതുകൊണ്ട് തന്നെ മഴ പെയ്യുമെന്ന പ്രവചനം ജില്ലക്കാർക്ക് ആശ്വാസം നൽകുന്നതാണ്.
അതേസമയം കനത്ത ചൂട് തുടരുന്ന പശ്ചാത്തലത്തിൽ വയനാട് ഒഴികെയുളള എല്ലാ ജില്ലകൾക്കുമുളള ജാഗ്രതാ നിർദേശം ഇന്നുകൂടി തുടരും. വയനാട് ഒഴികെയുള്ള ജില്ലകളിൽ ഉയർന്ന താപനിലയിൽ രണ്ടു മുതൽ മൂന്നു വരെ ഡിഗ്രി സെൽഷസ് വർധനവുണ്ടാകുമെന്നാണ് കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്.
ഇന്നലെ ഏറ്റവും കൂടിയ താപനില രേഖപ്പെടുത്തിയത് പാലക്കാട് ജില്ലയിലാണ്- 39 ഡിഗ്രി സെൽഷസ്. പുനലൂരിൽ 38 ഡിഗ്രിയും ആപ്പുഴയിൽ 37 ഡിഗ്രിയും താപനില അനുഭവപ്പെട്ടു. തിരുവനന്തപുരത്ത് 36 ഉം കോട്ടയത്ത് 36.8 ഉം കോഴിക്കോട് നഗരത്തിൽ 36.3 ഡിഗ്രിയുമാണ് താപനില. കനത്ത ചൂടിൽ സംസ്ഥാനത്ത് ഇന്നലെ 68 പേർക്കു സൂര്യാതപമേറ്റു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ