കൊച്ചി: ജലനിരപ്പ് ഉയർന്നതിനാൽ മലങ്കര ഡാമിന്റെ രണ്ടു ഷട്ടറുകൾ ഉയർത്താൻ തീരുമാനിച്ചതായി എക്സിക്യൂട്ടീവ് എൻജിനീയർ മുന്നറിയിപ്പ് നൽകി. പതിനഞ്ച് സെന്റിമീറ്റർ വീതമാണ് ഉയർത്തുന്നത്. അറ്റകുറ്റപ്പണി നടക്കുന്നതിനാൽ വലതുകര മെയിൻ കനാലിലേക്കുള്ള നീരൊഴുക്കും നിർത്തിവച്ച സാഹചര്യത്തിലാണ് ഷട്ടറുകളുയർത്താൻ തീരുമാനിച്ചത്.
ഡാമിന്റെ സംഭരണശേഷി 42 മീറ്ററാണ്. ഇടുക്കി ഡാമിന്റെ മൂലമറ്റം പവർഹൗസിൽ വൈദ്യുതോത്പാദനം വർധിപ്പിച്ചതോടെ മലങ്കര ഡാമിലേക്ക് വെള്ളം കൂടുതലായി ഒഴുകിയെത്തുകയും ജലനിരപ്പ് 41.94 മീറ്ററായി ഉയരുകയും ചെയ്തു. മലങ്കര മിനി പവർഹൗസിലെ മൂന്നു ജനറേറ്ററുകളിൽ രണ്ടെണ്ണം പ്രവർത്തനരഹിതവുമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ