ശബരിമല: വിഷു ഉത്സവത്തിനായി ശബരിമല നട തുറന്നു. തന്ത്രി കണ്ഠര് രാജീവരുടെ സാന്നിധ്യത്തില്‍ മേല്‍ശാന്തി വിഎന്‍ വാസുദേവന്‍ നമ്പൂതിരി നട തുറന്നു. ശ്രീകോവിലിലെ ദീപങ്ങള്‍ തെളിച്ച ശേഷം മാളികപ്പുറത്തെ നട തുറക്കാനായി മേല്‍ശാന്തി എംഎന്‍ നാരായണന്‍ നമ്പൂതിരിക്കു താക്കോലും ഭസ്മവും നല്‍കി യാത്രയാക്കി. പിന്നീട് പതിനെട്ടാംപടിയിറങ്ങി ആഴി തെളിച്ചു.
അതിനു ശേഷമാണ് തീര്‍ഥാടകര്‍ക്ക് പതിനെട്ടാംപടി കയറാന്‍ അവസരം ലഭിച്ചത്. ഇന്നു മുതല്‍ 19വരെ പൂജകള്‍ ഉണ്ടാകും. എല്ലാ ദിവസവും നെയ്യഭിഷേകം, ഉദയാസ്തമയ പൂജ, പടിപൂജ, കളഭാഭിഷേകം എന്നിവ ഉണ്ട് ;ഇന്നും 17നും ലക്ഷാര്‍ച്ചനയും. കടുത്ത ചൂടിനെ അതിജീവിച്ച് വലിയ തിരക്കാണ് നടതുറന്ന ദിവസം അനുഭപ്പെട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
