പെരിന്തല്മണ്ണ: മൂന്നു ദിവസം പ്രായമായ കുഞ്ഞിനേയും കൊണ്ട് പെരിന്തല്മണ്ണയില് നിന്നും തിരുവനന്തപുരം ശ്രീചിത്ര ആശുപത്രിയിലേക്ക് പുറപ്പെട്ട ആംബുലന്സിന് വഴിയൊരുക്കാന് അപേക്ഷ. ഹൃദയ സംബന്ധമായ അസുഖമുള്ള കുഞ്ഞിന് അടിയന്തിര ചികിത്സ നല്കാനാണ് പെരിന്തല്മണ്ണയില് ശ്രീചിത്രയിലേക്ക് എത്തിക്കുന്നത്.
മലപ്പുറം ജില്ലയിലെ വേങ്ങൂര് സ്വദേശിയായ കളത്തില് നജാദ-് ഇര്ഫാന ദമ്പതികളുടെ കുഞ്ഞിനെയും കൊണ്ട് ആംബുലന്സ് പുറപ്പെട്ട് കഴിഞ്ഞു. ആരോഗ്യമന്ത്രിയുടെ ഓഫീസ് ഇടപെട്ട് ഹൃദ്യം പദ്ധതിയുടെ ഭാഗമായാണ് ചികിത്സ ഒരുക്കിയതെന്ന് കുഞ്ഞിന്റെ ബന്ധു പറഞ്ഞു.
ചൊവ്വാഴ്ച മംഗലാപുരത്തു നിന്നും ഇതേ സാഹചര്യത്തില് 15 ദിവസം പ്രായമായ കുട്ടിയേയും കൊണ്ട് ആംബുലന്സ് തിരുവനന്തപുരത്തേക്ക് തിരിച്ചിരുന്നു. പൊതുജനങ്ങളുടെ വലിയ സഹകരണവും ആംബുലന്സ് ഡ്രൈവറുടെ മനസാന്നിദ്ധ്യവുമാണ് ഈ യാത്ര വിജയിപ്പിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ