യാത്രക്കാരുടെ ശ്രദ്ധയ്ക്ക്; ട്രാക്കില്‍ അറ്റകുറ്റപ്പണി, ട്രെയിന്‍ സമയത്തില്‍ മാറ്റം

By സമകാലിക മലയാളം ഡെസ്‌ക്‌  |   Published: 18th April 2019 08:17 AM  |  

Last Updated: 18th April 2019 08:17 AM  |   A+A-   |  

train-1

 

പാലക്കാട് : ഷൊര്‍ണൂര്‍ യാര്‍ഡില്‍ ട്രാക്കുകളുടെ അറ്റകുറ്റപ്പണികള്‍ നടക്കുന്നതിനാല്‍ 28, മെയ് 5, 7 തീയതികളില്‍ ട്രെയിനുകളുടെ സമയക്രമത്തില്‍ മാറ്റമുണ്ടാകുമെന്ന് റെയില്‍വേ അറിയിച്ചു. ഈ ദിവസങ്ങളില്‍ ഷൊര്‍ണൂര്‍-കോയമ്പത്തൂര്‍ പാസഞ്ചര്‍ സര്‍വീസ് നടത്തില്ല. 

കോയമ്പത്തൂര്‍ ജംഗ്ഷന്‍- മംഗളൂരു സെന്‍ട്രല്‍ ഇന്റര്‍സിറ്റി എക്‌സ്പ്രസ് മെയ് 5, 7 തീയതികളില്‍ രണ്ട് മണിക്കൂറും, കോയമ്പത്തൂര്‍-മംഗളൂരു ഫാസ്റ്റ് പാസഞ്ചര്‍ 28, മെയ് 5, 7 തീയതികളില്‍ 30 മുതല്‍ 40 മിനുട്ട് വരെ വൈകിയോടും. 

കണ്ണൂര്‍ -കോയമ്പത്തൂര്‍ പാസഞ്ചര്‍ 30 മിനുട്ട് വൈകിയോടും. തിരുവനന്തപുരം ഡിവിഷന് കീഴില്‍ എറണാകുളം- കണ്ണൂര്‍ ഇന്റര്‍സിറ്റി എക്‌സ്പ്രസ് 21, 28 തീയതികളില്‍ ഒന്നര മണിക്കൂറും, ആലപ്പുഴ ധന്‍ബാദ് എക്‌സ്പ്രസ് മെയ് 5, 7 തീയതികളില്‍ 50 മിനുട്ടും, ചെന്നൈ എഗ്മോര്‍- മംഗളൂരു സെന്‍ട്രല്‍ എക്‌സ്പ്രസ് മെയ് 14 ന് ഒരു മണിക്കൂറും വൈകിയോടും.