കൊച്ചി:വോട്ടു ചെയ്യാനെത്തിയ നടൻ ദിലീപിനൊപ്പം സെൽഫിയെടുക്കാൻ പോളിങ് ഓഫീസർ ബൂത്തിന് പുറത്തിറങ്ങിയത് വിവാദമാകുന്നു. ആലുവ പാലസ് റോഡിലെ ബൂത്തിൽ നടൻ ദിലീപ് എത്തിയപ്പോഴാണ് സംഭവം. ബന്ധുക്കൾക്കൊപ്പമാണ് ദിലീപ് ബൂത്തിലെത്തിയത്.
വോട്ട് ചെയ്തശേഷം ബൂത്തിനു പുറത്തിറങ്ങിയ ദിലീപിനു പിന്നാലെ ചെന്നു വനിതാ പോളിങ് ഓഫീസർ സെൽഫിയെടുക്കുകയായിരുന്നു. ഇതോടെ വോട്ട് ചെയ്യാൻ വന്നവരും സെൽഫിക്കായി തിരക്കുകൂട്ടി. ദിലീപ് സന്തോഷത്തോടെ എല്ലാവർക്കും നിന്നുകൊടുക്കുകയും ചെയ്തു. തെരഞ്ഞെടുപ്പ് നടപടികൾക്കിടെ പോളിംഗ് ഓഫീസർ ബൂത്തിനു പുറത്തിറങ്ങി നടനൊപ്പം സെൽഫിയെടുത്തതു വീഴ്ചയാണെന്ന് ആക്ഷേപമുയർന്നിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
