വേ​ഷം മാറാൻ മറന്നു; ക​ള്ള​വോ​ട്ട്​ നാടറിഞ്ഞു, ചിത്രം പുറത്ത് 

By സമകാലിക മലയാളം ഡെസ്‌ക്‌  |   Published: 28th April 2019 06:59 AM  |  

Last Updated: 28th April 2019 06:59 AM  |   A+A-   |  

 

കണ്ണൂർ ​: സംസ്ഥാനത്ത് വടക്കൻ കേരളത്തിൽ കള്ളവോട്ട് നടന്നു എന്ന ആരോപണത്തിന് പിന്നാലെ ഇതിന്റെ ചിത്രങ്ങളും പുറത്തുവന്നിരുന്നു. പഞ്ചായത്ത് മെമ്പർ അടക്കം കള്ളവോട്ട് ചെയ്തു എന്നാണ് കോൺ​ഗ്രസും പ്രതിപക്ഷ പാർട്ടികളും ആരോപിക്കുന്നത്. എന്നാൽ ഓപ്പൺ വോട്ടാണ് ചെയ്തതെന്നും, കള്ളവോട്ടല്ലെന്നും സിപിഎം പറയുന്നു. കള്ളവോട്ടു ചെയ്യുന്ന ശീലം പാർട്ടിക്കില്ലെന്നും സിപിഎം കണ്ണൂർ ജില്ലാ സെക്രട്ടറി എം വി ജയരാജൻ പറഞ്ഞു. 

അതിനിടെ ക​​ണ്ണൂ​​ർ ചെ​​റു​​താ​​ഴം ഗ്രാ​​മ​​പ​​ഞ്ചാ​​യ​​ത്തി​​ലെ പി​​ലാ​​ത്ത​​റ എ.​​യു.​​പി സ്​​​കൂ​​ൾ ബൂ​​ത്തി​​ൽ 774ാം ന​​മ്പ​​ർ വോ​​ട്ട​​റാ​​യ പ​​ത്മി​​നിയുടെ വോട്ട് ര​​ണ്ട് പ്രാവശ്യം വോ​​ട്ട്​ ചെയ്തതായി പറയുന്ന വെ​​ബ്​​​കാ​​സ്​​​റ്റി​​ങ് ​വി​​ഡി​​യോ​​ ദൃ​​ശ്യ​​ങ്ങ​​ൾ പുറത്തുവന്നു. ര​​ണ്ടാ​​മ​​ത്തെ ദൃ​​ശ്യ​​ത്തി​​ൽ വാ​​തി​​ൽ അ​​ട​​ച്ച​​താ​​യും കാ​​ണാമെന്നും മാധ്യമം ദിനപ്പത്രം ചൂണ്ടിക്കാട്ടുന്നു. 

ഓരോ ത​വ​ണ​യും ക​ള്ള വോ​ട്ടി​നു മു​മ്പ്​ വേ​ഷം മാ​റ​ണ​മെ​ന്ന നി​ർ​ദേ​ശം പാ​ലി​ക്കാ​ത്തതാ​ണ്​ ക​ള്ള​വോ​ട്ട്​ പു​റ​ത്താ​കാ​ൻ കാ​ര​ണ​മാ​യ​തെ​ന്ന്​ റിപ്പോർട്ടിൽ ചൂ​ണ്ടി​ക്കാ​ട്ടുന്നു. പോ​ളി​ങ് ആ​രം​ഭി​ച്ച ഉ​ട​നെ​യും ഉ​ച്ച​ഭ​ക്ഷ​ണ​സ​മ​യ​ത്തും പോ​ളി​ങ് അ​വ​സാ​നി​ക്കാ​റാ​കു​മ്പാ​ഴു​മാ​ണ് ക​ള്ള​വോ​ട്ടു​ക​ൾ പൊതുവേ രേ​ഖ​പ്പെ​ടു​ത്തു​ക. വേ​ഷം മാ​റി മാ​ത്ര​മെ ഓ​രോ വോ​ട്ടും രേ​ഖ​പ്പെ​ടു​ത്താ​വു​വെ​ന്നാ​ണ്​ നി​ർ​ദേശം. ഇ​ത്​ പാ​ടെ ലം​ഘി​ക്ക​പ്പെ​ട്ട​താ​ണ് ക​ണ്ണൂ​ർ ചെ​റു​താ​ഴ​ത്ത് പ​ര​സ്യ​ക​ള്ളവോട്ടെ​ന്ന് വ്യ​ക്ത​മാ​ക്കു​ന്ന ദൃ​ശ്യം പു​റ​ത്താ​കാ​നി​ട​യാ​യ​തെന്നും റിപ്പോർട്ടിൽ പറയുന്നു.