തിരുവനന്തപുരം: ട്രാക്കിൽ അറ്റകുറ്റപ്പണി നടക്കുന്നതിനാൽ കോട്ടയം വഴി മൂന്നു മാസത്തേക്ക് പാസഞ്ചർ ട്രെയിന് സർവീസ് നടത്തില്ലെന്ന് റെയിൽവേ അറിയിച്ചു. കോട്ടയം വഴിയുള്ള എറണാകുളം- കായംകുളം പാസഞ്ചറും കായംകുളം- എറണാകുളം പാസഞ്ചറും മേയ് മാസം ഒന്നാം തീയതി മുതൽ ജൂലൈ 31 വരെ റദ്ദാക്കിയതായി റെയിൽവെ അറിയിച്ചു.
മേയ് അഞ്ചിന് ആലപ്പുഴ വഴിയുള്ള കായംകുളം- എറണാകുളം പാസഞ്ചർ, എറണാകുളം-കായംകുളം പാസഞ്ചർ, കൊല്ലം- എറണാകുളം പാസഞ്ചർ, എറണാകുളം- കൊല്ലം പാസഞ്ചർ എന്നിവയും റദ്ദാക്കി. ചണ്ഡിഗഡ്- കൊച്ചുവേളി കേരള സമ്പർക്ക് ക്രാന്തി എക്സ്പ്രസ് മൂന്നിനും അഞ്ചിനും എറണാകുളത്ത് 40 മിനിറ്റും പിടിച്ചിടും. പോർബന്തർ- കൊച്ചുവേളി പ്രതിവാര എക്സ്പ്രസ് നാലിന് എറണാകുളത്ത് പിടിച്ചിടും. കാസർഗോഡ് കുമ്പളയിൽ അറ്റകുറ്റപ്പണി നടക്കുന്നതിനാൽ നമ്പർ 16606 നാഗർകോവിൽ- മാംഗളൂർ ഏറനാട് എക്സ്പ്രസ് 50 മിനിറ്റ് വൈകുമെന്നും റെയിൽവെ പത്രക്കുറിപ്പിൽ അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ