കണ്ണൂർ : രാത്രിയിൽ വീട്ടിനുള്ളിലേക്കുള്ള ഒളിഞ്ഞുനോട്ടം അസഹ്യമായതോടെ കെണിയെരുക്കി വീട്ടുകാർ. ഒടുവിൽ വീട്ടുകാർ വെച്ച സിസിടിവി ക്യാമറ കെണിയിൽ നോട്ടക്കാരൻ കുടുങ്ങുകയും ചെയ്തു. കണ്ണൂരിലാണ് സംഭവം. ചുമട്ടുതൊഴിലാളിയാണ് ക്യാമറയിൽ കുടുങ്ങിയത്.
ഇതോടെ ദൃശ്യങ്ങൾ സഹിതം ദമ്പതികൾ പൊലീസിന് പരാതി നൽകി.അധ്യാപക ദമ്പതിമാർ നൽകിയ പരാതിയിൽ മയ്യിൽ പൊലീസ് കേസെടുത്തു.
ജാമ്യമില്ലാ വകുപ്പു പ്രകാരമാണ് ഇയാൾക്കെതിരെ കേസെടുത്തത്. വീട്ടിൽ ഒളിഞ്ഞുനോക്കിയെന്നും സ്ത്രീകളെ അപമാനിക്കുന്ന രീതിയിൽ പെരുമാറിയെന്നുമാണ് കേസ്.
പൊലീസ് കേസെടുത്തതിന് പിന്നാലെ ഇയാൾ ഒളിവിലാണ്. രാത്രിയിൽ ആരോ വീടിനു പരിസരത്ത് വരുന്നതായി മനസ്സിലാക്കിയ വീട്ടുകാർ സിസിടിവി ക്യാമറ സ്ഥാപിക്കുകയായിരുന്നു.
കടപ്പാട് : ഇരിട്ടി ടുഡേ ന്യൂസ്
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
