കോഴിക്കോട്: മുക്കം കാരശ്ശേരിയില് യുവതിക്ക് നേരെ ആസിഡാക്രമണം നടത്തിയ പ്രതി വിദേശത്തേക്ക് കടന്നതായി സംശയം. മുന് ഭര്ത്താവ് സുഭാഷാണ് യുവതിക്ക് നേരെ ആസിഡ് ആക്രമണം നടത്തിയത്. കൃത്യം നടത്താനായി പ്രതി കുവൈറ്റില് നിന്നും നാട്ടിലെത്തുകയായിരുന്നു എന്നാണ് പൊലീസിന്റെ നിഗമനം.
പ്രതി നാട്ടിലെത്തിയത് വീട്ടുകാര് ആരും അറിഞ്ഞിട്ടില്ലെന്നാണ് സൂചന. കാരശ്ശേരി സ്വദേശിനി സ്വപ്നയെയാണ് മുന് ഭര്ത്താവ് ആക്രമിച്ചത്. ദേഹത്ത് ആസിഡ് ഒഴിച്ചതിന് പിന്നാലെ കത്തി കൊണ്ട് കുത്തി പരിക്കേല്പ്പിക്കുകയും ചെയ്തു.
കഴിഞ്ഞ ദിവസം വൈകീട്ട് ആറരയോടെയായിരുന്നു സംഭവം. യുവതി നഗരത്തിലെ ആശുപത്രിയിലെ ജീവനക്കാരിയാണ്. ജോലി കഴിഞ്ഞ് വീട്ടിലേക്ക് മടങ്ങി വരുമ്പോഴായിരുന്നു ആക്രമണം. ഗുരുതരമായി പരിക്കേറ്റ സ്വപ്നയെ കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ