സംസ്ഥാനത്ത് ഇന്നു രാവിലെ പെയ്തത് 550 മില്ലിമീറ്റര്‍ മഴ ; അതിതീവ്രമഴയിലും ഇരട്ടിയിലേറെ
By സമകാലിക മലയാളം ഡെസ്‌ക്‌ | Published: 09th August 2019 01:10 PM |
Last Updated: 09th August 2019 01:11 PM | A+A A- |
തിരുവനന്തപുരം : സംസ്ഥാനത്ത് കനത്ത മഴ തുടരുകയാണ്. ഇന്നു രാവിലെ മാത്രം 550 മില്ലീമീറ്റര്‍ മഴയാണ് രേഖപ്പെടത്തിയത്. അതിതീവ്ര മഴയ്ക്കും ഇരട്ടിയാണ് ഇന്നു രേഖപ്പെടുത്തിയ മഴ. അതി തീവ്രമഴയുടെ അളവ് 150 മുതല്‍ 250 മില്ലിമീറ്റര്‍ വരെയാണ്.
വയനാട്ടില്‍ കനത്ത മഴയാണ് ഇന്ന് രേഖപ്പെടുത്തിയിട്ടുള്ളത്. 180 മില്ലിമീറ്റര്‍ മുതല്‍ 260 മില്ലിമീറ്റര്‍ വരെ മഴയാണ് രേഖപ്പെടുത്തിയിട്ടുള്ളത്. തിങ്കളാഴ്ച വരെ സംസ്ഥാനത്ത് മഴ തുടരുമെന്നാണ് അറിയിപ്പ്. കാസര്‍കോട് മുതല്‍ എറണാകുളം വരെയുള്ള ജില്ലകളില്‍ വെള്ളപ്പൊക്ക മുന്നറിയിപ്പ് നല്‍കിയിട്ടുണ്ട്.
അഞ്ചു ജില്ലകളില്‍ കൂടി റെഡ് അലര്‍ട്ട് പ്രഖ്യാപിച്ചിട്ടുണ്ട്. കാസര്‍കോട്, കണ്ണൂര്‍, തൃശൂര്‍, പാലക്കാട്, എറണാകുളം ജില്ലകളില്‍ കൂടിയാണ് റെഡ് അലര്‍ട്ട് പുറപ്പെടുവിച്ചിട്ടുള്ളത്. ഇടുക്കി, മലപ്പുറം, കോഴിക്കോട്, വയനാട് ജില്ലകളില്‍ നേരത്തെ തന്നെ റെഡ് അലര്‍ട്ട് പ്രഖ്യാപിച്ചിരുന്നു. ഈ ജില്ലകളില്‍ ഇന്നും അതിതീവ്രമഴയ്ക്ക് സാധ്യതയുണ്ടെന്നാണ് അറിയിപ്പ് നല്‍കിയിട്ടുള്ളത്.
