ദുരിതാശ്വാസ പ്രവര്‍ത്തനങ്ങള്‍ക്ക് എതിരായ വ്യാജ പ്രചാരണങ്ങള്‍; നടപടി കടുപ്പിച്ച പൊലീസ്, ഇതുവരെ രജിസ്റ്റര് ചെയ്തത് 19 കേസുകള്‍
By സമകാലിക മലയാളം ഡെസ്‌ക്‌ | Published: 12th August 2019 09:40 PM |
Last Updated: 12th August 2019 09:40 PM | A+A A- |
തിരുവനന്തപുരം: മഴക്കെടുതിയില്‍ ദുരിതാശ്വാസ പ്രവര്‍ത്തനവുമായി ബന്ധപ്പെട്ട് സാമൂഹ്യ മാധ്യമങ്ങളിലൂടെ വ്യാജ പ്രചാരണം നടത്തിയ സംഭവത്തില്‍ 19കേസുകള്‍ രജിസ്റ്റര് ചെയ്തു. പൊലീസ് മേധാവി ലോക്‌നാഥ് ബെഹ്‌റയാണ് ഇക്കാര്യം വ്യക്തമാക്കിയത്.
കേസുകളില്‍ സൈബര്‍ സെല്‍, സൈബര്‍ ഡോം,ഹൈടെക് സെല്‍ എന്നിവ വിശദമായ അന്വേഷണം ആരംഭിച്ചിട്ടുണ്ട്. കുപ്രചരണം നടത്തുന്നവരെ അറസ്റ്റ് ചെയ്ത് നിയമപരമായ എല്ലാ നടപടികളും സ്വീകരിക്കുമെന്നും അദ്ദേഹം വ്യക്തമാക്കി.
പ്രളയ ദുരിതാശ്വാസ പ്രവര്‍ത്തനങ്ങള്‍ക്ക് എതിരെ വ്യാജ പ്രചാരണങ്ങള്‍ നടത്തുന്നവര്‍ക്കെതിരെ നടപടിയുണ്ടാകുമെന്ന് കഴിഞ്ഞ ദിവസം മുഖ്യമന്ത്രി പിണറായി വിജയന്‍ വ്യക്തമാക്കിയിരുന്നു.
